Ang Natatagong Lihim Sa Pangalan Ng Diyos: Part 4

Pagsasalin ng Pangalan (Transliterating)

Heto ang ilan sa Hebreo na pangalan ni Jesus - Yeshu, Yeshua, Yehoshua o ibang pang pantig sa ngayon. Ito ang tamang pangalan ni Jesus sa wikang Hebreo at kung paano ito nasulat sa wikang Greyego sa Bagong Tipan. Subalit may ilang mga problema:

1. Ang Bagong Tipan ay di nasulat sa wikang Hebreo
2. Ang Banal Na Espiritu ay kinasihan ang pangalan ng Panginoon na IESOUS sa wikang Greyego sa Bagong Tipan
3. Ito ang tugma at tamang pagbalangkas o pagsalin mula sa isang wika tungo sa iba upang makaboo ng tamang pangalan.

Subalit tulad ng nasabi ko sa nakaraang mga yugto na ang pangalang JESUS ay hango sa pangalang G-zeus na isa sa mga diyos ng mga pagano. Pero sa kabila ng mga pagbatikos nila wala tayong nakitang patunay na tama ang kanilang sinabi patungkol dito sapagkat meron tayong basehan ang kasulatan. Sa totoo lang wala akong nakitang ginamit na pangalang Yahshua sa Bagong Tipan na sinasabing ito rin ang salin mula sa Greyego at Hebrew.

Ayon sa isang web site - sinasabing malinaw daw na meron tinatawag na "etymological path" patungkol sa pangalang Jesus na nagpapakita ng malinaw na pinagmulang Hebreo. Ang pangalang Yahshua ay hindi matatagpuan sa salin ng kasulatan sa Hebreo tulad ng nasabi ko na. Ito rin ay hindi ginawa sa tinatawag na transliterable para sa saling Greyegong pangalan - ayon sa kanilang (web site).

Tanungin natin sa kanila ang ilang tanong:

Ano ang ibig ipakahulugan ng pangalang Hebreo na YHWH (Yahweh/Jehovah)? Sagot: Jehovah ay kaligtasan o pagliligtas

Tapos, ano ang ibig ipakahulugan ng IESOUS tranliterated sa Jesus? Sagot: Jehovah ay kaligtasan / pagliligtas.

Lumalabas na pareho lang sila ng ibig ipakahulugan. Heto inilagay ko yung tunay na sinabi ng isang scholar at manunulat na si Richard Rives patungkol dito (English):

"A translation conveys meaning, so Yeshua and Iesous mean the exact same thing. Jesus is not a translation, it's a modernized Latin transLITERation of Iesous. A transliteration is simply a letter-for-letter switch: the letters in one language are swapped for letters in another language that make the same sounds. Jesu is a Latin word that sounds like the Greek Iesous. Jesus does not mean "Yahweh saves" or "the Lord saves" or even "He saves". Despite the fact that Jesus Himself means a great deal to many people, there's no English meaning to Jesus at all. The name Jesus is merely the English pronounciation of Joshua/Iesous which means "Jehovah is Salvation."

IESOUS was the word chosen by the writers of the Greek New Testament to represent both the Hebrew Old Testament Joshua and the English New Testament Jesus.

Heto pa:

This word was derived by way of transliteration (the representation of the sounds of the Hebrew word Yeh Shua with the Greek letters having the closest corresponding sound.)

JESUS: was the word chosen by the King James translators to represent the Hebrew spelling of the Biblical Joshua Yeh Shua after Ezra and Nehemiah. This word was also derived by way of transliteration ( the representation of the sounds of the Greek word IESOUS with the English letters having the closest corresponding sound.)

In an effort to determine the truth I personally [Richard Rives] made a trip to Greece to study inscriptions and to talk with experts concerning the name Zeus. The conclusion of my investigation is that there is no association with the name Zeus and that of Jesus.

Richard Rives

Makikita at mababasa natin na libo-libo mga pahina na naisulat na nagsasabi raw na ang pangalang Jesus at Jehovah ay hindi maaaring iisa, na yung kanilang mga ginawa at mga nakaraang pagkakamali ay nabali wala lang sa ilang pagpapatunay lamang.

Narito sabi nila ang pangalang YAH na ang kahulugan ay kaligtasan. Tapos nais kung ipakita sa inyo kung paano ang Jesus/Joshua ay makikita sa Hebreo na kung pantigin ay Yehoshua.

Heto rin you ilang pangalan kung paano yung pangalang Jesus ay transliterates o isinalin sa ibang wika tulad ng Chinese:

 
Nakikita o naiisip ba natin kung gaano kahirap para sa mga Chinese na hindi marunong ng wikang Hebreo or English para lang maunawaan ang salitang kaligtasan, kung hindi nangyari ang pagsasalin (transliterated) nito sa kanilang wika. Kaya sa palagay ko tama lang ang nangyari ang mahalaga dito nakita natin yung pinagmulan.

Sunod nating makikita eh sino o saan ba ito ng mula ang sinasabing kamaliaan sa pangalan ng Diyos Ama at Anak.

Ang Natatagong Lihim Sa Pangalan Ng Diyos: Part 3

JESUS ay JEHOVAH na Kanyang pangalan

Noong nakaraang yugto napag-usapan natin na lumalabas na ang pangalang Jehovah ayon sa kasulatan at siya ring pangalang ibinigay Niya sa Kanyang Anak. Subalit naroon yung ating tanong na paano ito nangyari samantalang Jesus ang alam nating pangalan Niya. Balikan natin yung sitas:

John 17:11 - Holy Father, keep them in Your Name, the Name which You have given Me, that they may be one even as We are. (American Standard Bible)

Pansinin natin muli, kausap ni Jesus ang Diyos Ama (Jehovah) sinasabi ni Jesus na "keep them in Your Name" - anong pangalan yun di ba nakita natin na Jehovah ang pangalan ng Diyos Ama. Tapos heto na "the Name which You have given Me" - pangalan daw na ibinigay sa Kanya ng Diyos Ama, di ba malinaw at hindi na kailangan pa ang mahabang paliwanag. Pero ang tanong at bakit Jesus ang alam natin na ibinigay sa Kanya.

Hayaan ninyo na ipakita ko sa inyo ang isa pang sitas sa kasulatan na  magpapaliwanag ng ating pinag-uusapan. Dito malalaman natin kung kailan ibinigay ng Ama sa Kanyang anak ang Kanyang pangalan.

"I am come in my Father's name, and ye receive me not: if another shall come in his own name, him ye will receive." (John 5:43).

Kailan daw iyon ibinigay, ng isinugo Siya ng Ama dito sa lupa para sa atin. Kaya malinaw na noong ipanganak ng berhen si Jesus ang tamang panahon  ng ibinigay sa Kanya ang pangalan ng Ama na Jehovah.

"She shall bring forth a Son, and you shall call His Name JESUS [Jehovah]" (Matt. 1:21).

Mukhang malabo pa rin.. bakit naging Jehovah ang Jesus samantalang malinaw na nakalagay sa itaas na Jesus ang ipangalan sa Kanya. Heto ang tatandaan natin ang Diyos ay madalang magsabi na ibigay ang pangalan sa sinumang tao. Joseph and Maria ay isa sa kanila na sinabihan ng Diyos na Jesus ang ipangalan sa Kanyang anak. Ang Diyos din ang nasabi na palitan ang pangalan ni Abram sa Abraham (Gen 18:5), kay Jacob sa Israel (Gen 32:28), sa iba hinayaan na ng Diyos sa tao, kasama roon ang pagpapangalan sa mga hayop at iba pa.

Natatandaan ninyo ang sitas na ito:

"For unto us a child is born, unto us a son is given: and the government shall be upon his shoulder: and His Name shall be called Wonderful, Counselor, The mighty God, The everlasting Father, The Prince of Peace" (Isa. 9:6).

Makikita mo na ito ay patungkol sa hula para kay Jesus sa kanyang pagparito. Pansinin ninyo lahat ng katangiang yaon ay patungkol din sa Diyos Ama. Ibig sabihin na malapit sa katutuhanan ang mga puntos na inilalarawan ko para sa inyo. Kung meron pa kayong pasubali, hayaan ninyo sa sunod na yugto maipakita sa inyo kung paano nangyari yun...

Ang Natatagong Lihim Sa Pangalan Ng Diyos: Part 2

Mga Hiwaga Ng Biblia

Noong nakaraang bahagi na pinag usapan natin wala parin tayong konkretong impormasyon patungkol sa ating katanungang ano ang pangalan ng Diyos Ama at ng Kanyang Anak.

Para natin makita ito magbibigay ako ng ilang sitas sa kasulatan na kaugnay sa ating pinag-uusapan. Gagamit ako ng english version para mabigyan diin ang sinasabi ko.

• "Jesus answered them, I told you, and ye believed not: the works that I do in My Father's Name, they bear witness of Me" (John 10:25). 
• "And I have declared unto them Thy Name, and will declare it..." (John 17:26). 
• "Our Father which art in heaven, Hallowed be Thy Name" (Matt. 6:9). 
• "I have manifested Thy Name unto the men which Thou gavest Me." (John 17:6). 
• "While I was with them in the world, I kept them in Thy Name..." (John 17:12). 
• "I am come in My Father's Name, and ye receive Me not: if another shall come in his own name, him ye will receive..." (John 5:43). 

Tanong: Ano ang pangalan ng Kanyang tatay? Paano sinasabi ni Jesus ng paulit-ulit ang pagsugo ng Ama sa Kanya, kung paano ipakilala ni Jesus ang kanyang ama, gawin ang kanyang gawain dahil sa Kanyang Ama at iba pa. Subalit hindi Niya nabanggit ang pangalan ng Kanyang Ama.

Pangalang Natago sa Mulat na mga Mata

Karamihan sa atin ay walang kaalaman patungkol sa Lumang Tipan sa pangalan ng Diyos. Pero ayon sa mga nabasa ko at nakita may ilang sitas na nagsasabi ng tunay na pangalan ng Diyos:

• Psalm 2:2- "The kings of the earth set themselves, and the rulers take counsel together, against the LORD, [Heb: YHWH-Jehovah] and against His Anointed, saying," 
• Psalm 2:7-"I will declare the decree: the LORD [Heb: YHWH-Jehovah] hath said unto me, Thou art My Son; this day have I begotten Thee." 
• Psalm 2:11-"Serve the LORD [Heb: Jehovah] with fear, and rejoice with trembling. Kiss the Son..." (and Psalm 2:12) 

Mapapasin natin na nabanggit diyan ang Lord (Jehovah - YHWH), kung kaya masasabi na natin ang pangalan ng Diyos Ama ay JEHOVAH. Alam nyo ba na ang pangalang Jesus na ibinigay ng Diyos Ama sa kanya ay kanyang minana o ibinigay ng Ama sa Kanya; heto

Being made so much better than the angels, as He has by INHERITANCE obtained a more excellent name than they." (Heb. 1:4).

Ano raw pangalan?

"Wherefore God also has highly exalted Him, and given Him A NAME which is ABOVE EVERY NAME" (Phil. 2:9).

Anong pangalan yan?

Huwag kayong magugulat kasi sa susunod na ipakikita ko sa inyo ay ang pangalang ibinigay ng Diyos Ama kay Jesus.

"And now I am no more in the world, but these are in the world, and I come to Thee. Holy Father, keep through Thine Own Name "those whom" Thou hast given Me, that they may be one, as we are." (John 17:11).

Anong sinabi? Nakita ba ninyo kung anong pangalan ang ibinigay? Sa itaas nauna rito na sinabi ko sa inyo na ang pangalan ng Diyos Ama ay Jehovah. Kung magka ganon na Jehovah ang pangalan ng Ama yun din ba ang pangalang ibinigay Niya sa Kanyang Anak. Pero ang alam natin ay Jesus.. gumugulo ata. Paano nangyari ang ganon..

Kaya sa susunod na yugto pag-uusapan natin ang patungkol diyan...

Talaga bang Mahal Tayo ng Diyos?

"Mahal ako ni Hesus, yan ang alam ko kasi sinabi ng Biblia sa akin" - Karaniwang isasagot ng isang karaniwang tao lalo na kapag Roman Catholic.

Yan ang natatadaan ko noong bata pa at nag-aaral pa. Ito rin ang laging sinasabi sa akin ng iba kasi nga raw sinabi sa Biblia. Totoo naman na sinabi ng Biblia sa aklat ni Juan 3:16 ganito yun:
"Gayun na lang ang pag-ibig ng Diyos sa sanlibutan ng ibigay Niya ang Kanyang bugtong na anak, na kung sinuman ang manampalataya ay hindi mapapahamak, kundi magkaroon ng buhay na walang hanggan."

Pero ang tanong bakit nga ba tayo mahal ng Diyos? Hindi ito yung basta basta rason lang na walang kabuluhan sa Diyos. Ito yung pag-ibig na hindi masusukat ng tao sa anumang paraan. Hindi lang sa sinabi sa Biblia o ang Diyos ay maraming dahilan para mahalin ang tao. Pero batid ba natin ang hangganan ng pagmamahal ng Diyos sa tao? Yan ang malaking tanong sapagkat marami ang nagsasabi na may hangganan ito kung gagawa ka ng kasalanan sa Diyos.

Di ba ang bata ay minamahal dahil sa kanyang pagiging bata, madaling alagaan, subalit pag-lipas ng mga taon nakikita natin ang malaking pagbabago ng isang bata noon pero ngayon ay isang binata o dalaga na, naroon yung umusbong na ugali sa kanila, baka naging maingay, malikot o makulit pero naroon pa rin yung ating pagmamahal sa kanila. Ganon din ang Diyos na ayon sa Biblia na walang nakarating sa kaluwalhatian ng Diyos, lahat ay sumalungat at nagkasala - pero naroon pa rin yung Kanyang pagmamahal sa atin kasi nga nilikha Niya tayo.

Pero ang tanong - mahal pa rin ba ng Diyos ang mga taong patuloy na sumasalungat o nagkakasala sa Kanya? Marami ang naniniwala na mahal tayo ng Diyos pero may hangganan daw ang pag mamahal na yaon (tulad ng nasabi ko sa itaas) - ibig sabihin kapag nagkasala ka halimbawa maraming beses mong nagagawa may tiyak kang kalalagyan - yun ang dagat dagatang apoy. Meron namang nagsasabing dahil sa pagmamahal ng Diyos kaya Niyang patawarin anuman ang iyong naging kasalanan - ibig sabihin kahit na gaano kalaki o karami ang iyong kasalanan kaya kang patawarin ng Diyos kasi mahal ka Niya.

Kung ganon ang Diyos na walang hangganan ang pagpapatawad sa nagkasala - sinasabi mong mahal ng Diyos ang kasalanan or kinukunsinte Niya yung gumagawa ng kasalanan. Ang sagot ko ay HINDI nangungunsinte ang Diyos bagkos binibigyan Niya ng tamang pag-husga at pag-tutuwid ang nagkasala para manumbalik sila sa Diyos. Kasi kung yung mga taong nagkakasala ng maraming beses at hindi makiki-alam ang Diyos dahil dapat may parusa na sila - ano sa tingin mo ang Diyos - mapagmahal ba o malupit? Maraming paraan kung paano ipinakikita ng Diyos ang Kanyang pagmamahal - hindi ito yung sinasabi na kung nagkasala ka ngunit di ka humingi ng patawad tiyak na sa impierno ang punta mo tulad ng ibang namatay na sa kasalanan.

Maaari natin isipin na dapat nga parusahan o makamit ng mga taong nagkakasala ang mahigpit na kaparusahan - ayon ako doon pero yung sabihin mong kaparusahang walang hanggan sa dagat-dagatang apoy - nasaan ang pagmamahal mo doon. Nasabi rin sa Bible na ang lahat ng tao ay matututo ng katuwiran ng Diyos at manunumbalik ang lahat sa Diyos, hindi sa kapamaraan ng tao kundi sa pag-ibig ng Diyos sa Kanyang nilikha. Ang ibig ko bang ipakahulugan dito at mayroon pang pagkakataon yung mga nagkasala na maligtas kahit na sila ay nasa impierno na. Ang sagot ko diyan ay hindi maaaring mangyari sapagkat hanggang sa mga sandaling ito wala pang laman ang impierno na sinasabi nyo - sapagkat hindi pa bumabalik si Hesus tulad ng nasusulat sa kasulatan. Tulad din yan na ang langit ay walang pang tao na namatay na naroon na sa langit - Juan 14:1-3 sinsabi na babalikan ni Jesus ang mga nananalig sa Kanya at isasama sa langit. Nasaan ang mga namatayan na? Sila'y nasa isang lugar na di nakikita (unseen place - as bible mentioned) at natutulog.
Maraming katanungan sa isip natin na tanging Diyos lamang ang makasasagot ng tamang puntos at makakabuti sa atin...

Pagkilos ng Diyos – 2c

Bakit tayo tinutukso?
Ang ating mga problema at pagsubok ay hindi sa Diyos na kapakinabangan. Ito ay nangyayari para sa ating kapakinabangan, pero sa paningin at pakiramdam ng tao ito ay parusa na sa kanila, nalilimutan na tayo’y kilala ng Diyos. Ang Diyos ang naglikha sa atin kaya alam Niya ang mga bagay na makakabuti sa atin at ito ay nakatakda na sa ating mangyari upang tayo ay maging kalarawan niya – na ito ang plano ng Diyos noong una pa man bago pa tayo likhain. Awit 103:14 – Alam niya na alabok, yaong ating pinagmulan. Alam niyang babalik din sa alabok kung mamatay.

Ang lahat ng ating pagsubok, ang ating mga pagnanasa, at paggiging mahina ang nagpapakita na kung sino talaga tayo sa laman. Jeremias 17:9 – Sino ang makauunawa sa puso ng tao? Ito’y magdaraya at walang katulad, Wala nang lunas ang kanyang kabulukan. Ngayon ano ang kailangan ni Job para Makita niya ang kanyang sarili? Kung bakit niya dinanas ang lahat ng pasubok nay un kasama ang pagkawala ng lahat ng ari-arian pati ang kanyang mga anak tapos nagkaroon pa siya ng mga sugat mula ulo hanggang paa.

Kung si Job ay matuwid at mabuting tao at may takot sa Diyos at walang kasalanan (Job 1:1), bakit ginawa ng Diyos na ibagsak siya at sa isang iglap ipadala sa kanya ang kalaban upang wasakin lahat ng kanyang mga ari-arian at magkaroon ng sugat ang buo niyang katawan (Job 2:7)?

Ang kasagutan sa mga katanungan yaon ay upang ituro sa atin ang katiyagaan tulad ng ginawa ni Job. Ang pinaka layunin ng aklat ni Job upang malaman natin ang kahalagahan ng pagiging matuwid, ating mga mabubuting gawa ay hindi pansarili nating kalayaan. Ang ibig kung sabihin tulad ng kay Job na naranasan at ating ding dapat maranasan upang matuto tayong maging matiyaga sa Diyos. Alam natin na tayo’y basahan sa harapan ng Diyos (Isaias 64:6). At lagi nating tatandaan na tayo ay kamanggagawa lamang ng Diyos (Efeso 2:10).

Sa totoo niyan hindi nauunawaan ni Job ang mga nangyari sa kanya, naniniwala siya na siya’y matuwid. Iniisip niya na siya’y mabuting tao sapagkat siya’y piniling maging mabuting tao. Nakalimutan niya na ang “lahat ng bagay ay sa Diyos” (2 Corinto 5:18 at Isaias 26:12). Narito ang ilang mga sitas na magpapatunay sa itaas patungkol kay Job.

Job 34:5-6
Job 27:2, 5-6

Sa kanyang ugaling yan kaya siya’y nagging matuwid sa paningin ng Diyos.

Pagkilos ng Diyos – 2b

2.2 Pagsubok kay Job

Sa pagpapatuloy natin sa yugto ng ating tinatalakay tungkol sa pagtukso kay Job. Napag-alaman natin na si Job ay hindi ito nangyari ayon sa kanyang kalooban kundi sa plano at panukala ng Diyos na siyang kumikilos sa lahat ng bagay. Alam natin kung bakit ito nangyari kay Job. Maraming mga sitas sa kasulatan ang nagpapatotoo sa ating sinasabi hindi ito sa kaalaman ko lang, tulad ng sinasabi sa 2 Timoteo 1:9 – na nagligtas at tumawag sa atin upang tayo’y maging kanyang bayan. Ito’y ginawa niya sa pamamagitan ni Kristo Jesus, hindi dahil sa ating mga gawa kundi ayon sa kanyang layunin at kagandahang loob na inilaan sa atin bago pa magsimula ang panahon.

At meron pa sa Tito 1:2 – at bigyan ng pag-asa sa buhay na walang hanggan. Bago pa lalangin ang sanlibutan, ang buhay na ito’y ipinangako na ng Diyos na hindi marunong magsinungaling. Hayan ang dalawang sitas na magsasabi na ang lahat ng nangyari, nangyayari at mangyayari sa lahat ng bagay ay ayon sa pagkilos at panukala ng Diyos. Hindi ito yung sinasabing may laya ang bawat isa na inaakala ng iba na ginawa n gating mga unang magulang doon sa hardin kung saan kinain nila ang ipinagbabawal na bungang kahoy.

Makikita natin na mula sa Genesis hanggang Pahayag ang lahat ng bagay ay para sa Diyos, lahat ng bagay kasama an gating mga pagpapasya. At sa huli sinasabi sa Roma 11:36 – Sapagkat mula sa kanya at sa pamamagitan niya at sa kanya ang lahat ng bagay. Sa kanya ang karangalan magpakailanman, Amen.

Ngayon matatanong ninyo – paano naman ang mga gumagawa ng karumal dumal na kasalanan, ang siyang nagpapatay sa Kordero ng Diyos? Okay, tingnan natin ang inyong tanong kung paano nga naman. Ano ang sinasabi sa Mga Gawa 4:28 – Isinagawa nila ang lahat ng bagay na dapay mangyari na itinakda mo noong una pa. Wow, anong sabi “isinagawa nila ang nararapat” – ano itong kanilang isinagawa, ito yung pagpatay sa Kordero ng Diyos, ito yung mga bagay na nangyayari sa ngayon na sa tingin natin ay mga karumal-dumal na kasalanan. Pero ano ang sabi – nangyayari ito sapagkat itinakda na ng Diyos na mangyari ito noong una pa man.

Nakita natin kung paano ipinakita sa unang bahagi ng aklat ni Job na ang mga anak ng Diyos ay haharap sa Diyos kasama si Satanas – Job 1:6. Pansinin ninyo hindi sinabi doon na si Satanas ay ang anghel na nagrebelde sa Diyos. Ipinakita ditto na meron siyang ginagawa at yun ang kaniyang Gawain – ang manukso, kalaban, ang demonyo. Si Satanas ay umaga’t hapon nagiging kaharap ang Diyos – yan ang hindi natin pwedeng katutuhanan sa kasulatan sapagkat yun ang kaniyang Gawain ang humanap ng mga taong kaniyang masisila.

Pero meron tayong matatanong – bakit ba sila ay sinubok at sinusubok ng Diyos? Hindi ko sasagutin sa ngayon ito sa sunod nating kaisipan ito sasagutin na buhat sa mga sitas sa kasulatan.

Pagkilos ng Diyos – 2a

2.1 Ang Pagsubok kay Job

Sa ating nakaraang paksa napag-aralan natin ang kung papaano natukso sina Adan at Eba na ayon sa kalooban at pagkilos ng Diyos. Ngayon sa pangalawang halimbawa natin ay ang pagsubok sa buhay ni Job. Alam at natunghayan natin kung gaano siya katiyaga sa kanyang naging buhay. Sa kabila ng kanyang tinatangkilik at tinatamasa naransan din niyang subukin ng ang lahat ng kanyang alagang mga hayop at mga bukirin at ang pinaka matindi ng ang kanyang lahat na anak ay mamatay sa unos.

Sa unang kabanata ng aklat ni Job makikita natin na halos kaparehas ng ating naunang halimbawa, bakit ko nasabi ito: Tingnan natin sa mga sumusunod na pagkakatulad:

Kaninong panukala na subukin si Job sa gayong pamamaraan? Job 1:8 – Napansin mo ba ang lingkod kong si Job? Tanong uli ni Yahweh, Wala siyang katulad sa daigdig. Malinis ang kanyang pamumuhay. Siya’y mabuting tao, may takot sa akin, at hindi gumagawa ng masama, dugtong pa ni Yahweh. Napansin ninyo si Yahweh ang nagbigay ng pansin kay Satanas patungkol kay Job, para bang ipinagmamalaki niya si Job. Pero ano kaya ang ginagawa ni Satanas sa mga sandaling yaon bago siya tawagin ni Yahweh. Job 1:7 – Tinanong ito ni Yahweh, Ano ang gawain mo ngayon? Nagpaparoot parito sa lahat ng sulok ng daigdig, sagot ni Satanas. Bakit ginagawa ni Satanas yon? 1 Pedro 5:8 – Humanda kayo at magbantay. Ang diyablo na kaaway ninyo ay parang leong umaatungal at aali-aligid na humahanap ng masisila. Yun pala naman kaya si Satanas ay akyat manaog sa lupa upang maghanap ng masisila sa mga tao.

Kaninong panukala para kainin ni Adan ang bunga ng punong ipinagbabawal? Sino ba ang naglagay ng puno sa gitna ng halamanan si Satanas ba? HINDI diba. Ang Diyos ang lumikha ng dilim at liwanag, nagpapadala ng kapahamakan at kabutihan – Isaias 45:7. Nakita natin si Yahweh ang naglagay ng punong iyon hindi si Satanas, kaya masasabi natin na ang lahat ng iyon ay nakaplano ng mangyayari ayon sa kalooban at panukala ng Diyos noong una pa man Efeso 1:11. Bakit kaya yung ibang puno sa halamanan tulad ng puno na nagbibigay ng buhay ay hindi napakaganda sa paningin nila kumpara doon sa pinagbabawal na kainin? Sapagkat sinabi sa kasulatan Isaias 53:2 – Kalooban ni Yahweh na ang kanyang lingkod ay matulad sa isang halamang natanim sa tuyong lupa. Walang katangian o kagandahang makatawag pansin. Wala siyang taglay na pang-akit para lapitan siya. Baka matanong ninyo sino ba ang lumikha sa ahas nayun – ayon sa kasulatan Job 26:13 – Sa pamamagitan ng hininga niya’y umaaliwalas ang langit. Nilikha ng kamay niya ang dambuhalang tumalilis. Ang lahat ay pinayagan doon ay ayon sa kanyang kalooban, sa kanyang kamay at ito ay nakaplano na noong una pa bago pa mangyari iyon. Gawa 4:28 – Isinagawa nila ang lahat ng bagay na dapat mangyari na itinakda mo noon pa.

Ipagpatuloy na lang natin ang halimbawang ito sa sunod nating pagkikita, sapagkat marami pa tayong ipakikita mula sa kasulatan ang tungkol dito.

Pagkilos ng Diyos – 1

A. Pagtukso sa Tao

Tulad ng nasabi ko sa mga nakaraang kaisipang tinatalakay natin, ngayon ibibigay ko dito mula sa simula ng kasulatan kung paano kumilos ang Diyos sa Kanyang nilikha ng ayon sa Kanyang sariling kalooban at panukala. Ang unang pagkilos ng Diyos ayon sa Kanyang kapangyarihan ay ng tuksuhin ang mga unang nilikha sa hardin ng Eden. Sa Kanyang kapangyarihan at panukala si Jesus ay pinatay dahil sa ginawang pagsuway ni Adan, ito’y natala bago pa likhain ang unang tao si Adan – 2 Timoteo 1:9 - Siya ang nagligtas at tumawag sa atin sa pamamagitan ng isang banal na pagtawag, hindi dahil sa ating mga gawa ngunit ayon sa kaniyang sariling layunin at biyaya. Ito ay ibinigay sa atin kay Cristo Jesus bago pa man nagsimula ang panahon.. Ibig sabihin noong una pa bago magkasala ang unang tao ay nakaplano na kung paano ipakikilala ang tagapagligtas na si Jesus. At heto pa ang katunayan mula sa kasulatan Tito 1:1-2 - Akong si Pablo ay alipin ng Diyos at apostol ni Jesucristo ayon sa pananampalataya ng mga hinirang ng Diyos. Ayon sa kaalaman ng katotohanan at ayon sa pagkamaka-Diyos. Mayroon akong buhay na walang hanggan na nakabatay sa pag-asa. Ito ay ipinangako na ng Diyos na hindi makapagsisinungaling, bago pa sa pasimula ng panahon..

Napakalinaw naman na ang Diyos ay nagpauna na si Adan ay tutuksuhin at yon ang Kanyang naging kasalanan ng suwayin ang Diyos ng kanin niya ang ipinagbawal na bunga. Na ayon sa kasulatan ang nilikha ay mula sa alabok, mahina, marupok at hubad, ika nga madaling magkasala. (Pahayag 3:17 - Sinasabi mo: Ako ay mayaman. Ako ay naging mayaman at hindi nangangailangan ng anuman. Hindi mo alam na ikaw ay sawimpalad, nararapat kahabagan, maralita, bulag at hubad.). Alam natin na si Adan at ang ipinagbawal na puno ay isa lamang sa mga nilikha ng Diyos. Subalit ang natitirang katanungan ay kung papaano si Adan ay natukso samantalang sabi ng Diyos na Siya’y hindi nanunukso ng tao? Wala itong problema sa manlilikha. Si Adan at Eba ay nadala ng kanilang pita ng laman – Santiago 1:14 - Ang bawat tao ay natutukso kapag siya ay nahihila ng kaniyang masidhing pita at siya ay nasisilo nito.. Tinukso ba ng Diyos sina Adan at Eba? Hindi. Pinilit ba ng Diyos si Adan para sumuway s autos na wag kanin ang bunga? Malinaw na hindi.

Hinding hindi pinilit ng Diyos ang sinuman para magkasala o sumuway. Ginawa Niya tayo na mahina at madaling matukso na tulad ng alikabok na ating pinagmulan. Hindi kailangan ng Diyos na tuksuhin tayo sapagkat ang ahas na manunukso ay talagang alikabok sa lupa ang kanyang pagkain. Pero kung tutuusin hindi talagang kumakain ng alikabok ang ahas, ang ibig sabihin ng alikabok sa ating pinag-uusapan ay ang espiritung nananahan sa atin (Santiago 4:5 - Sinasabi ng kasulatan: Ang Espiritung nananahan sa atin ay labis na naninibugho. Sa palagay ba ninyo ay walang kabuluhan ang sinasabing ito ng kasulatan?). Si Santiago rin ang nagsabing ang Diyos ay hindi nanunukso ng tao. At siya ang nagpatotoo na ang tao ay natutukso kapag ito’y nadadala ng kanyang pita na magreresulta ng kasalanan at pagsuway.

Sino ang makakapagsabi na batid nila ang sitas na ito: Juan 6:63 - Ang Espiritu ang siyang nagbibigay buhay. Walang napapakinabangan ang laman. Ang mga salitang sinasabi ko sa inyo ay espiritu at buhay., Awit 104:30, Job 32:8 at marami pang iba na pasusubalian na ang “espiritu na nananahan sa atin ay may pagnanasa sa pag-iimbot na siyang espiritu na inihinga ng lumikha kay Adan at Eba at nagbigay ng buhay at hininga kay Adan. Tumpak ang Diyos ang nagbigay ng espiritu na meron tayo na nagnanasang mag-imbot, sumuway at iba pa.

Hindi, si Santiago ay hindi natuturo ng kalayaang pumili. Siya’y nagtuturo lang ng mga simpleng pagpili, pagpili na ang dahilan ay nagmumula sa lumikha ng langit at lupa. Ang Diyos ang Siyang dahilan ng anumang nangyayari sa lahat ng bagay ayon sa Kanyang kalooban at panukala. Nagyon masasabi na ba natin na ang kapangyarihan ng Diyos ang siyang kumikilos sa lahat ng nilikha Niya?

Sa ating pang-unawa at pag-iisip hindi natin matanggap ang kapangyarihan at pagkilos ng Diyos. Pinipilit natin ang ating kakayahan at pang-unawa na ang bawat pagpili natin ay ating kalayaan at kagutustuhan lamang na walang kinalaman ang Diyos patungkol dito. Saan kayo rito?

Iwan at Harapin..

Wala po akong masasabi sa pitak na ito kundi ang paalala lang para sa lahat na kung meron mang tayong mga bagay na hindi magandang nagawa sa nakaraang taong 2008 - iwan na po natin yun sa likuran natin at wag ng balikan. Kung maganda naman po ang inyong nasimulan noong nakaraang taon - ipagpatuloy po natin at hingin sa Diyos ang patuloy na pagbibigay ng gabay at lakas upang harapin ang bagong hamon ng buhay.

Harapin natin po ang darating na bagong taong 2009 ng may takot, pagsunod at pagkilala sa lumikha ng langit at lupa. Batid po natin na buong mundo ay nakararanas ng pandaigdig na kahirapan o krisis - subalit kung ilalagak po natin ang lahat sa Diyos, tiyak na meron Siyang gagawin para sa atin.

Binabati ko po kayong lahat na nakiisa, sumubaybay at natuto sa mga kaisipan po na aking inilahad sa inyo sa taong ito. Inaasahan ko po kayo na patuloy na makipag-aralan, pakipagtuklasan patungkol sa salita ng Diyos - sapagkat marami po ang katanungang dapat nating malaman ang sagot dito sa - SINO ANG TAMA?

MAPAGPALANG BAGONG TAON PARA SA LAHAT!!

Salamat po...

Alalahanin o Gawin..

Sa iba’t ibang samahan ng simbahan, pananampalataya may kanya kanyang paniniwala sa pagsunod sa kung anong sinasabi, nakasulat sa salita ng Diyos. Meron ang iba’y lumalabag kung ano ang dapat at karapat dapat. Tulad na lang nitong bago kong kaisipan ang alalahanin o gawin. May pagkakaiba ba ng kahulugan, sabi ng iba kapag sinsabing “alalahanin” ibig sabihin isa-isip na merong gawa o isipin lang, samantalang kapag “gawin” ibig sabihin ini-uutos ito na gawin ang isang bagay, isang alituntunin, isang kaisipan. Anong kaugnayan nito sa kasulatan? Ang salitang alalahanin ay unang kong nakita sa mga sitas sa ibaba, samantalang yung salitang gawin ay napakaraming beses mong makikita sa kasulatan sapagkat ito ay patungkol sa mga alituntunin ng Diyos.

Mga Gawa 2:42 – 42 Sila ay matatag na nagpatuloy sa turo ng mga apostol, sa pagkikipag-isa, sa pagpuputul-putol ng tinapay, at sa mga pananalangin.

Noong unang mga kalipunan ng mananampalataya, ipinagpatuloy nila ang mga kaalaman na kanilang natutunan sa mga nauna sa kanila mga lingkod ng Diyos. Tulad na lang ng mga kapatid noon matapos umakyat o lumisan ni Hesus sa langit, ipinagpatuloy nila ang turo ng mga apostol ang pagpuputul-putol ng tinapay. Diba ito'y ipinagpapatuloy din sa ngayon ng mga nakararaming mga iglesya ni Hesus, sapagkat kasama sa sinabing alalahanin ito rin ay kailangang gawin hanggang sa pagdating ni Hesus. Subalit bakit yung iba’y sinasabing dapat lang na alalahanin na lang ito na wala ng kaukulang gagawin o uulitin pa ang kanilang mga ginawa noon. Bakit nila ito nasabi? Sapagkat sinasabi raw ni Apostol Pablo ang ganito sa mga sumusunod na talata:

1 Corinto 11:23-26 – 23 Ito ay sapagkat tinanggap ko mula sa Panginoon ang siya ko namang ibinibigay sa inyo. Ang Panginoong Jesus, nang gabing siya ay ipinagkanulo, ay kumuha ng tinapay. 24 Pagkatapos niyang magpasalamat, pinagputul-putol niya ito, at sinabi: Kunin ninyo, kainin ninyo, ito ang aking katawan na pinagputul-putol para sa inyo. Gawin ninyo ito sa pag-alaala sa akin. 25 Sa gayunding paraan kinuha niya ang saro pagkatapos maghapunan. Sinabi niya: Ang sarong ito ay ang bagong tipan sa aking dugo. Sa tuwing kayo ay iinom nito, gawin ninyo ito sa pag-alaala sa akin. 26 Ito ay sapagkat sa tuwing kakain kayo ng tinapay na ito at iinom sa sarong ito, inihahayag ninyo ang kamatayan ng Panginoon hanggang sa siya ay dumating.

Ito raw ay paalala o pinagsasabihan ni Apostol Pablo ang mga nakakatipon sa Corinto sa dahilang wala sa ayos ang kanilang pagtitipon, pasasalo-salo ng pagkain, kaya ipina-alala sa kanila kung anong nararapat sa isang pagtitipon. Ang tanong natin ngayon. Nararapat pa bang ipagpatuloy ang pagsasagawa ng banal na hapunan sa ngayon? Sa akin walang masama dito kung ipagpapatuloy itong ganapin kasi yun ang sinasabi sa kasulatan na alalahanin na naroon yung gawin kung paano ginawa. Subalit sa iba ang depensa nila kung ipagpapatuloy raw ito dapat lahat ng mga ginawa ni Hesus ay alalahanin din tulad ng pag pasan ng krus at iba. Sabi pa nila na bakit raw yun lang gusto ang ginagawa tulad ng utos ng Diyos na ipangilin ang araw ng Sabat, pero ano ang ginawa ngayon hindi na ipinangilin pinalitan pa ng ayon sa gusto at utos ng tao hindi ng Diyos.

Kung pag-aaralan natin oo nga naman marami tayong inaalala o dapat gawin pero hindi natin ginagawa lalo na yung nagsasabing sila ang tunay na tagasunod ng kasulatan. Ang sinusunod natin minsan ay kung ano yung sinsabi ng nakararami o kilala sa lipunan, nakakalimutan natin kung ano ang dapat nating sundin. Kaya ang masasabi ko lang ngayon huwag nating kaliligtaan na sumangguni sa kasulatan kung ano talaga ang sinsabi roon patungkol sa alalahanin o gawin.

Tagasunod Kailan Ito?

Sa ibang anyo ito rin ay tagasunod, alagad. Naging palasak o kilala sa banal na kasulatan ang mga alagad o tagasunod ni Hesus na hanggang ngayon ay kilalang kilala ng lahat na naniniwala sa Diyos. Ilan sa alagad ni Hesus ang nagamit pa upang maitala ang mga kaganapan noong panahong naririto pa si Hesus. Sila yung mga taong kasa-kasama ni Hesus na nangangaral ng pag-hahari ng Diyos. Pero ang tanong ay – Ang mananampalataya ba ni Hesus ay masasabi ng taga-sunod ni Hesus?

Kapag sinabing mananampalataya ito’y kumikilala na, sumusunod at nagsasagawa ng mga aral ni Hesus. Kailan masasabi na isang nang mananampalataya ang isang tumanggap kay Hesus? Ito ba’y pagkatapos tanggapin si Hesus bilang panginoon at tagapagligtas? Masasabi bang sila’y tagasunod na ni Hesus? Maraming katanungan diba, kasi nga marami ang nag-aakala na kaagad-agad ang isang tao ng tumanggap siya ay mananampalataya na. Pero kalian nga ito masasabi? Ayon sa kasulatan ay ganito – Juan 6:44 - Walang taong makakalapit sa akin malibang ilapit siya ng Ama na nagsugo sa akin at ibabangon ko siya sa huling araw.

Ano ang ibig kong sabihin sa mga sitas na inilahad ko sa itaas? Malinaw na walang sinuman ang makakalapit sa akin, sino yun, kay Hesus maliban na siya ay ilapit, dalhin, ibigay ng Ama kay Hesus. Kaya merong mga sinasabing mananampalataya ni Hesus pero hindi pa siya inilalapit, dinadala at ibinibigay ng Ama kay Hesus. Bakit? Sapagkat hindi pa nakikita sa kanya yung tunay na palatandaan na ng isang mananampalataya. Marami ang ganyan sa loob mismo ng iglesya ni Hesus. Paano nangyari ito? Simple sa bibig lang nila nasabi na sila’y mananampalataya o taga-sunod na ni Hesus, sa gawa at buhay ay walang pagbabago.

Ang pagiging mananampalataya ni Hesus ay isang mahabang proseso ng buhay Kristiyano, bakit ko nasabi sapagkat hindi ito isang pagkain na agad ay malalasahan mo kung masarap o hindi. Ang tunay na proseso ng pagiging mananampalataya ay masakit sa una sapagkat marami sa buhay mo ang unti unting mawawala, mababago at isusuko. Kapag naganap na lahat ng ito sa iyong buhay saka mo lang masasabi na ikaw ay isa ng mananampalataya ni Hesus. Makikita na sa iyo yung sinsabi sa Galatia 5:22-23 na bunga ng Banal na Espiritu. At kapag nasabi na ng mga nakapaligid sa iyo na kakaiba ka na ngayon.

Kung titingnan natin sa buhay ng mga alagad ni Hesus noon. Makikita mo ba yung agad na pagbabago sa kanila, gayong tatlo’t kalahating taon silang tinuruan, kasama at nakakita sa mga ginawa ni Hesus. Marami silang natutunan, naranasan, nakitang mga kababalaghan subalit hindi agad sila masasabing nanampalataya agad, subalit tinatawag silang mga alagad ni Hesus. Pero bakit sa tuwina sinasabihan sila ni Hesus na “kayong maliliit ang pananampalataya”. Sapagkat sa loob ng mga panahong yaon hindi pa sila lubusang naniniwala sa kabila ng napakarami nilang nasaksihang mga kababalaghan mula kay Hesus.

Kailan sila totoong nanampalataya diba noong matapos mabuhay na muli si Hesus at doon lang silang nagsimulang gampanan ang kanilang tinanggap na gawain na alagad ni Hesus. Doon sila masasabing isang mananampalataya at lingkod si Kristo. Kaya para sa akin sa taong karirinig pa lang ng salita ng Diyos hindi agad-agad ito masasabing mananampalataya naroon pa rin yung proseso. Subalit hindi ko sinasabing salungat ito doon sa kasulatan na “hindi babalik ang salita ng Diyos ng walang kabuluhan”. Makikita lang doon na ang Diyos ay may layunin at naaayon doon sa sarili Niyang plano sa taong iyon… Ikaw ano ang naging karanasan mo bago ka naging mananampalataya ni Hesus?

Araw ng Pagsamba Tama o Mali?

Sa daigdig ng Kristianismo ang araw ng pagsamba o pag simba ay isa ng kaugalian ng lahat, sapagkat ito ang kanilang nakagisnang aral na sinusunod. Merong ilan na kakaiba ang kanilang pagsasagawa ng araw ng Diyos, tulad ng mga Seventh Days Adventist o kung tawagin ay Sabadista. Araw ng Sabado sila sumisimba. Sa mga muslem naman araw ng Biernes ang kanilang araw na laan para sa kanilang Allah. Pero ano ba ang tamang araw ng pagsimba ng isang Kristiano? Kung tayong mga tagasunod ni Hesus ay talagang tapat sa sinasabi sa kasulatan patungkol sa araw na ilalaan para sa Diyos, susundin natin kung ano yung nakasulat, diba? Pero ano ang nangyayari sa ngayon, parang pinalitan na ng ayon sa pinagkaisahan, sa kaugalian at kautusan ng tao.

Ano ba ang sinasabi sa kasulatan patungkol sa araw na dapat ilaan sa Diyos. Heto yung ilan sa mga sitas na sinasabi sa kasulatan:

Genesis 2:2-3 – 2 By the seventh day God had finished the work he had been doing; so on the seventh day he rested from all his work. 3 And God blessed the seventh day and made it holy, because on it he rested from all the work of creating that he had done.

Exodus 20:8-11 – 8 "Remember the Sabbath day by keeping it holy. 9 Six days you shall labor and do all your work, 10 but the seventh day is a Sabbath to the LORD your God. On it you shall not do any work, neither you, nor your son or daughter, nor your manservant or maidservant, nor your animals, nor the alien within your gates. 11 For in six days the LORD made the heavens and the earth, the sea, and all that is in them, but he rested on the seventh day. Therefore the LORD blessed the Sabbath day and made it holy.

Ano ang sinsabi sa Genesis sa itaas na sitas ang Diyos ay namahinga sa ikapitong araw matapos Niyang likhain ang lahat at ito ay Kanyang pinag-pala. Pero ang tanong ng iba ano bang araw ang ikapitong araw? Sa ating sinusunod na araw sa isang linggo, araw ng Sabado ang tinutukoy na ikapitong araw na ganon din naman ang sinsabi sa kasulatan. Bakit kaya ito hindi sinusunod lalo na ng mga tagasunod ni Kristo sa ngayon, sa kabila nito ano ang kanilang paniniwala sa ngayon?

Heto ang mas matinding katibayan na kung talagang ang pag-uusapan ay yung pagsunod kung ano ang naka-sulat sa kasulatan, lahat tayo ay may pagsuway, sapagkat makikita sa itaas na inilagay mismo ng Diyos sa kanyang kautusan ang araw na dapat ilaan sa Kanya. Subalit ano ang mga depensa natin, kasi yan na yung kinagisnang araw na pagsimba at pangingilin. Si Hesus ano ang Kanyang kaugalian at turo patungkol dito. Sa mga sumusunod na sitas makikita na si Hesus mismo ay sumusunod hindi lamang sa kaugalian Nilang mga Hudyo kundi pati kautusan ng Diyos.

Lucas 4:16 - Siya ay pumunta sa Nazaret, ang lugar na kinalakihan niya. Ayon sa kaniyang kinaugalian, siya ay pumasok sa sinagoga sa araw ng Sabat. Siya ay tumayo upang bumasa.

Marcos 6:2- Nang sumapit ang Sabat, nagsimula siyang magturo sa sinagoga. Ang maraming nakarinig ay nanggilalas. Sinasabi nila: Saan kinuha ng taong ito ang ganitong ang mga bagay? At ano itong karunungang ibinigay sa kaniya na maging ang ganitong himala ay ginawa ng mga kamay niya?

Ang isang malaking katanungan bakit naging Linggo ang araw na inilaan para sa Diyos? Ayon sa mga nakaraang kasaysayan, ito ay nagsimula pa noong kapanahunan pa ng mga Romano sa pamumuno ni Constantine. Sa panahong yaon ang mga pagano at ang kristiano ay nag-aaway patungkol sa relihiyon. Kaya nagpalabas si Contantine na “kautusan” na gawin Linggo o Sunday ang araw ng pagsamba. Mula noon hanggang ngayon bulag na ang lahat patungkol dito kung ano ang tama at mali sa kautusang iyon. Meron bang nilabag sa utos ng Diyos? Oo, sapagkat ang “Sunday” ay kinuha sa pangalan ng diyos ng mga pagano na “Sun” – na kung iisipin natin ito ay pagsamba sa diyos diyusan. Tama o Mali.

Pero sabi ng iba wala namang epekto kahit anong araw ang ilaan mo para sa Diyos ang mahalaga ay ibinigay mo sa Diyos ang araw na yun. Kung titingnan natin parang walang masama naman diba? Pero ano sa tingin ninyo nalulugod kaya ang Diyos doon na hindi nasunod yung sinsabi Niya sa kasulatan? Kayo ang makasasagot niyan….

Binaluktot Ang Tama!

Siguro sa mga nakakabasa ng ilan sa mga entre ko iisipin na subra naman ako kasi lahat na ay pinapansin, kahit kaunting pagbabago. Maliit o malaking kasalanan ito ay kasalanan pa rin at kasama rito ang pagbabago, pagbabawas, at pagdaragdag sa anumang salita na nakasulat sa mga orihinal na kasulatan. Para sa akin hindi mo masisisi ang mga ibang pananampalataya kung tahasan nilang ipinahahayag na marami ang pagbabago, pagkakamali sa pagkasalin ng banal na kasulatan.

Marami ang nag wawalang kibo na lamang sa kabila ng alam nila na mali ang kanilang binabasa, pinag-aaralan. Meron nga bang pagkakamali sa mga pagkakasalin buhat sa orihinal na kasulatan? Alam nga ba nila na mali ang kanilang pagkasalin? Doon sa mga taong nagwawalang kibo na lamang sa mga ganitong pagkakamali – wala akong masasabi kundi ang imulat nila ang kanilang mga mata sa katutuhanan. Marami ang nagsasabi na ang lahat ng kasulatan ay “kinasihan ng espiritu ng Diyos”. Tama, subalit tandaan na ang sinasabing kinasihan ay ang orihinal na salin, hindi ang mga bagong salin sapagkat kung yan ay kinasihan walang pagkakamali ito. Naniniwala ako na ang orihinal na kasulatan ay walang pagkakamali. Narito ang ilan sa mga salin na makikita natin sa mga bagong salin ng kasulatan.

1 John 5:6-8 (NIV) 6 - This is the one who came by water and blood—Jesus Christ. He did not come by water only, but by water and blood. And it is the Spirit who testifies, because the Spirit is the truth. 7- For there are three that testify: 8 - the Spirit, the water and the blood; and the three are in agreement.
Footnotes:
a. 1 John 5:8 - Late manuscripts of the Vulgate testify in heaven: the Father, the Word and the Holy Spirit, and these three are one. 8 And there are three that testify on earth: the (not found in any Greek manuscript before the sixteenth century)

Heto makikita sa itaas na meron silang inilagay na “footnotes” upang ipabatid na meron silang idinagdag sa kasulatan, sa kabila na alam nilang ito’y hindi tama sa mata ng Diyos, para bang sinasabi nilang kulang ang nakalagay sa kasulatan.

1 John 5:6-8 (NASB) 6 - This is the One who came by water and blood, Jesus Christ; not with the water only, but with the water and with the blood It is the Spirit who testifies, because the Spirit is the truth. 7 - For there are three that testify: 8 - the Spirit and the water and the blood; and the three are in agreement.
Ito ay medyo malapit sa katutuhanan, pero hindi pa rin ako sigurado kung ito nga ang tamang salin nito mula sa orihinal na kasulatan.

1 Juan 5:6-8 (Salita ng Diyos) – 6 Siya itong naparito sa pamamagitan ng tubig at dugo, si Jesucristo. Hindi siya naparito sa pamamagitan ng tubig lamang kundi sa pamamagitan ng tubig at dugo. Ang nagpapatotoo ay ang Espiritu sapagkat ang Espiritu ay katotohanan. 7 May tatlong nagpapatotoo sa langit, ang Ama, ang Salita, ang Banal na Espiritu at ang tatlong ito ay iisa. 8 May tatlong nagpapatotoo sa lupa, ang Espiritu, ang tubig at ang dugo. Ang tatlong ito ay nagkakaisa.

1 John 5:6-8 (Amplified Bible) - 6 This is He Who came by (with) water and blood [His baptism and His death], Jesus Christ (the Messiah)--not by (in) the water only, but by (in) the water and the blood. And it is the [Holy] Spirit Who bears witness, because the [Holy] Spirit is the Truth. 7 So there are three witnesses in heaven: the Father, the Word and the Holy Spirit, and these three are One; 8 and there are three witnesses on the earth: the Spirit, the water, and the blood; and these three agree [are in unison; their testimony coincides].

1 John 5:6-8 (Darby Bible) – 6 This is he that came by water and blood, Jesus [the] Christ; not by water only, but by water and blood. And it is the Spirit that bears witness, for the Spirit is the truth. 7 For they that bear witness are three: 8 the Spirit, and the water, and the blood; and the three agree in one.

Napakaraming salin ang makikita mo sa isang sitas na ito, na tayo ay magkakaroon ng mga katanungan, alin ba talagang tunay na salin mula sa orihinal na kasulatan. Wala namang problema kahit alin sa salin na ito, yan ang depensa ng iba, pero hindi yun ang punto – ang punto rito ay kung may nilalabag ba silang kautusan mula sa Diyos ang magbago, magdagdag at magbawas sa kasulatan.

1 John 5:6-8 (Young’s Literal Translation) – 6 This one is he who did come through water and blood -- Jesus the Christ, not in the water only, but in the water and the blood; and the Spirit it is that is testifying, because the Spirit is the truth, 7 because three are who are testifying [in the heaven, the Father, the Word, and the Holy Spirit, and these -- the three -- are one; 8 and three are who are testifying in the earth], the Spirit, and the water, and the blood, and the three are into the one.

Sa dami kong inilahad sa inyong mga salin sa kasulatan sa iisang sitas ng salita ng Diyos, kayo na ang bahalang kumuha kung alin ang sa tingin ninyo ay tama. Sapagkat tayo ay kakasihan ng Diyos kung marubdub nating pag-aaralan ang anumang salita ng Diyos na inyong nababasa sa kasulatan.

The Wicked Tongue

Ang ating katawan ay binubuo ng ibat-ibang bahagi na may kanya kanyang katawagan, gamit at kahalagahan. Kung ang katawan mo ay kulang ng anumang sangkap na talagang makikita sa isang taong nilikha ng Diyos – masasabi na siya’y isang taong hindi buo, siempre naman, pero may mga parte naman ng katawan na hindi masyadong mahalaga. Meron naman na napakahalaga, meron din naman na ito'y nagagamit sa mabuting paraan at minsan sa masamang paraan. Sa bago nating kaisipan ipakikita ko sa inyo ang dulot nitong kabutihan at kasamaan sa ating katawan na naka-ugnay sa kasulatan.

Makikita sa kasulatan Mateo 18:6-9 - Ngunit ang sinumang maging katitisuran sa isa sa mga maliliit na ito na sumasampalataya sa akin ay mabuti pang talian ng malaking gilingang bato ang kaniyang leeg at itapon sa dagat. Sa aba ng sangkatauhan dahil sa mga katitisuran. Ito ay sapagkat kailanman ay hindi mawawala ang mga kadahilanan ng pagkatisod. Ngunit sa aba ng taong pinanggalingan ng pagkatisod. Kaya nga, kung ang iyong kamay o ang iyong paa ang makakapagpatisod sa iyo, putulin mo ito at itapon. Higit pang mabuti para sa iyo ang pumasok sa buhay na pingkaw o pilay kaysa may dalawang kamay o dalawang paa, ngunit ihahagis naman sa apoy na walang hanggan. Kung ang iyong mata ang makakapagpatisod sa iyo, dukitin mo ito at itapon. Higit pang mabuti para sa iyo ang pumasok sa buhay na may isang mata, kaysa may dalawang mata, ngunit ihahagis naman sa apoy ng impiyerno.

Nakita natin sa itaas kung sa kapahayagang nasusulat o (literal) ipinakikita na kung ang isang bahagi ng iyong katawan o sangkap ng katawan ay nagiging sanhi ng katitisuran, kasalanan, kamatayan mabuti pa rito ang putulin, dukitin, alisin, talian at itapon mas mabuti pa ang mapunta sa langit ng walang mga sangkap na ito kaysa sa impiyerno na buo ang lahat ng ito. Bakit natin natanong ito sapagakat sa mga nabanggit sa itaas isang bahagi ng katawan ang malaki ang nagagawang kasamaan sa katawan ang hindi kasama sa sitas na ating pinag-uusapan. Ano ang bahagi ng ating katawan na ito ang aking nais ipabatid sa inyo? Ito ay ating matatagpuan sa aklat ni Santiago. Ito ay ang “DILA”.

Santiago 3: 1 -2 -Mga kapatid ko, nalalaman ninyo na tayong mga guro ay tatanggap ng lalong higit na kahatulan. Kaya nga, huwag maging guro ang marami sa inyo. Ito ay sapagkat tayong lahat sa maraming paraan ay natitisod. Kung ang sinuman ay hindi nagkakamali sa kaniyang pananalita, siya ay taong ganap at napipigil niya ang kaniyang buong katawan.

Ano ang kaugnayan nito sa ating pinag-uusapan, sabi rito huwag daw nating mithiin na maging taga-pagturo sapagkat mabigat ang kasalanan dito. Bakit nasabi ni Santiago ito, dahil kaya sa nakikita niya ang nangyayari sa palagid na marami ang nagtuturo ng mga aral na labag sa kasulatan. Alam natin na hindi naman lahat sila, meron din naman na tapat sa kung ano ang sinasabi sa kasulatan. Tama walang makapagsasabi na siya ay hindi nagkakamali sa pamamagitan ng kanyang dila o pananalita. Bakit ang dila ay maliit na bagay subalit malaki ang nagagawa nito sa ating katawan? Sapagkat sinasabi rin ng kasulatan sa Proverbs 18:21 The tongue has the power of life and death, and those who love it will eat its fruit.

Santiago 3: 3 -6 - Narito, nilalagyan natin ng bokado ang bibig ng mga kabayo upang tayo ay sundin nila. Sa pamamagitan ng bokado ay naililiko natin ang buong katawan nila. Tingnan din ninyo ang mga barko. Ang mga ito ay malalaki at itinutulak ng malalakas na hangin. Gayunman, bagamat malalaki, ang mga ito ay inililiko ng napakaliit na timon saan man naisin ng taga-timon. Gayundin naman ang dila. Ito ay isang maliit na bahagi ng katawan ngunit nagyayabang ng mga dakilang bagay. Narito, ang maliit na apoy ay nagpapaliyab ng malalaking kahoy. Ang dila ay tulad ng apoy, sanlibutan ng kalikuan. Ang dila ay bahagi ng ating katawan na dumudungis sa kabuuan nito. Sinusunog nito ang mga pamamaraan kung paano tayo nabubuhay at ito ay pinag-aapoy ng impiyerno.

Ang dila ay hinalintulad sa giya o bukado ng kabayo na kung saan nais natin pumunta ito’y susunod, inihalintulad din sa timon ng barko na maliit na bahagi ng barko pero kayang idako kahit saan ang barko. Subalit ang dila ay maliit na bahagi rin subalit hindi kayang supilin ninuman, nagagawa nitong maging masama ang boong katawan. Ito’y isang apoy na tumutupok sa kabuuan nang isang tao, kapag hindi nasupil. Kahit na sabihing mga tagasunod na ni Hesus marami pa rin ang hindi nasusupil ang kanyang dila.

Santiago 3: 7 - 9 - Ito ay sapagkat napaamo na ang lahat ng uri ng mga hayop at mga ibon at mga gumagapang na hayop at mga bagay sa dagat. At ito ay paaamuin ng tao. Ngunit walang nakapagpaamo sa dila. Ito ay masamang bagay na hindi mapipigil at puno ng kamandag na nakakamatay. Sa pamamagitan ng dila ay pinupuri natin ang Diyos Ama. Ginagamit din natin ito sa pagsumpa sa mga taong ginawa ng Diyos ayon sa kaniyang wangis.

Tama mula pa noong una sa kasulatan naroon na yaong napapa-amo ang lahat ng uri ng hayop lumilipad, gumagapang at lumalangoy, subalit ang dila ay hindi kayang supilin ninuman. Ang masakit nito ang dila ang ginagamit natin sa pagpupuri at pagsamba sa Diyos at ito rin ang ginagamit natin sa pag-alimura sa tao na nilikha ng Diyos na kawangis. Ano ang mariing sinsabi ni Santiago na hindi dapat ito mangyari sapagkat hindi maaring bumalong ang tubig alat at tubig tabang sa iisang agos. Ngayon, meron bang lunas upang masupil ang dila?

Meron ang kasulatan din ang maaring sumupil sa ating dila. Ayon sa 2 Corinto 5:17 - Kaya nga, kung ang sinuman ay na kay Cristo, siya ay bago nang nilalang. Ang mga dating bagay ay lumipas na, narito, ang lahat ng bagay ay naging bago. Woow nakita ninyo malinaw ito na ang sinumang “na kay o nagkipag-isa” kay Jesus ay bagong nilalang, anong ibig sabihin nito? Ibig sabihin ang boo nating pagkatao ay isinuko natin upang baguhin tayo ni Kristo. Meron pa sa Galatia 5:22-23 tungkol sa bunga ng Banal na Espiritu, na kailangang makita sa atin…. Ang bunga.

Judas Iscariot Who?

Hudas ka! Tiyak na maririnig mo ang ganitong pananalita kapag may nagawang kang katrayduran sa isang tao. Bakit kaya? Sapagkat kilala ng lahat kung sino si Hudas (Judas) na isa sa mga alagad ni Jesus. Sa mga Pilipino tiyak ako na wala kang makikita na ang pangalan sa kanilang mga anak ay Hudas. Kilala rin ng lahat ang ginawa ni Hudas kay Kristo na pagkakanulo sa 30 pirasong pilak. Ang paggamit sa pangalang Hudas ay kasing sama sa paggamit ng pangalang Lucifer. Ito yung mga pangalan o mga tauhan sa Banal na Kasulatan na itinuturing na kontrabida.

Kung tatanungin mo ang bawat Kristiayano – kung ang pagkapako kay Hesus ay naka-plano na noong pang pasimula, ang isasagot sa iyo ay walang kagatol gatol na "OO". Pero walang pagsidlan ang galit nila sa pangalang Hudas, sapagkat ng dahil sa kanya napako raw si Hesus. Ang gulo ano… Heto ipina-aalam ko lang na hindi ako pabor sa ginawa ni Hudas, pero ito rin naman ang masasabi ko na si Hudas ay may malaking bahagi sa kaganapan ng mga pangyayari kay Hesus. Si Hudas ang naglalarawan ng kung ano ang karaniwang tao sa ngayon. Si Hudas ang naglalarawan kung bakit si Hesus ay ipinadala ng Diyos Ama ditto sa lupa. Sapagkat ang tao ay may ganitong katauhan.

Dapat bang sisihin si Hudas sa nangyari sa ating tagapaglitas na si Hesus? Marami ang nagsasabi na siya lang ang dapat sisihin, sapagkat kung hindi dahil sa kanya hindi mahuhuli para ipako si Hesus. Kapag ganito ang inyong katuwiran tahasan kong masasabi na pinangungunahan ninyo ang mga nakalagay sa kasulatan. Ilang ulit sinabi o ipinag-pauna na ni Hesus ang tungkol sa kanyang pagbabata. At laging sinasabi ng mga alagad Niya na silay sasama kahit saan. Pero silang lahat ay nangalat nangawala ng mga panahong hinuli na si Hesus. Ganon din si Pedro pinagkaila pa niya si Hesus. Pero mabigat ang ginawa ni Hudas at siya’y hindi nagsisi bagkus nagpakamatay pa.

Tayong lahat ay naniniwala na ang lahat ng nangyayari sa ating buhay, kanilang buhay at kaninuman ay may “purpose” o layunin ayon sa kalooban ng Diyos. Sa pagtupad ng layunin ng Diyos itong lahat ay sa ikabubuti, kalooban at sa pagka Diyos, Niya. Bakit? Sapagkat, ginagawa Niya ito ng ayon sa Kanyang kapamaraan at kapangyarihan. Halimbawa – Ng ipagkaila ni Pedro si Hesus sa harap ng mga tao, ano ang layunin Niya? Dib a bago nangyari yaon, sinabihan na ni Hesus si Pedro na mangyayari yaon ng tatlong beses bago tumilaok ang manok? Nagsalita pa nga si Pedro na hindi mangyayari yun, pero nangyari “yun ang layunin ng Diyos” na mangyayari ang lahat ng Kanyang sinsabi. Kung hindi nangyari yun ginagawa nating sinungaling ang Diyos.

Sino ba itong si Hudas (Juda) sa Lucas 22:3 - Pumasok si Satanas kay Judas, na tinaguriang taga-Keriot, na kabilang sa labindalawang alagad. Si Hudas ay isa sa mga alagad ni Hesus, tagapag-ingat ng kaban ng mga alagad. Yung taguri sa kanyang Iscariote ay kinuha sa kanyang pinagmulang lugar ang Keriot. Sinasabi na si Hudas daw ang kakaiba sa lahat sa mga alagad ni Hesus. Pero ang tanong lahat ba ay may bahagi ang mga alagad sa naganap na pagkapako ni Hesus. Ang sagot – "OO". Tulad ng nasabi ko si Pedro ipinagkaila si Hesus, at yung ibang mga alagad tinalikuran nila si Hesus. Si Hudas ang bahagi niya ay ang “ipagkanulo” sa halagang 30 pirasong pilak si Hesus.

Ibig mong sabihin ito yung sinasabi mong layunin ng Diyos. Sa pagtupad ng layunin ng Diyos tiyak akong magaganap lagi ito tulad ng sinabi niya sa Isaiah 55:11 - so is my word that goes out from my mouth: It will not return to me empty, but will accomplish what I desire and achieve the purpose for which I sent it. Heto malinaw na hindi babalik ang salita ng Diyos ng walang kabuluhan, ibig sabihin na matutupad ito kahit sa anumang paraan, ayon sa Kanyang kalooban. Ibig sabihin walang magagawa si Hudas kundi gawin yun o yun talaga ang naturalisa ng isang tao. Ibig sabihin walang kalayaang pumili ang tao parang tayong rubot.

Kung titingnan natin sa makataong palagay talagang masama ang ginawa ni Hudas. Subalit tingnan natin ito ayon sa kalooban ng Diyos, makikita natin yung kahalagahan ng ginawa ni Hudas para sa katuparan ng salita ng Diyos. At para sa kaligtasan ng mga nakararami. Hindi natin pwedeng pigilan ang mga nangyari o hindi natin pwede itong baguhin ayon sa ating magandang nakikita. Maraming bagay ang ipinakita ng Diyos dito, nakita natin ang kapangyarihan Niya, nakita at napag-alaman natin ang pagkabuhay na muli ni Hesus.

Luke Chapter 23:42-43

Sa bago kong kaisipan ngayon makikita na ito yung tagpo ng nakapako na si Jesus kasama ang dalawang tulisan. Sa ebanghelyo ni Mateo, Marcos at Juan hindi binigyan diin ang pag-uusap ni Jesus at ng dalawang tulisan, dito kay Lucas nabigyan niya ng diin kung ano ang ibig ipakahulugan ng pag-uusap ng mga nakapako. Tingnan natin ang mga ilang pangungusap sa tagpong iyon:

Luke 23:42-43 (NIV) – Then he said, “Jesus, remember me when you come into your kingdom”. Jesus answered him, “I tell you the truth, today you will be with me in paradise”

Lucas 23:42-43 (Salita ng Diyos) – Sinabi niya kay Jesus: Panginoon, alalahanin mo ako kapag ikaw ay nasa paghahari mo na. Sinabi ni Jesus sa kaniya: Katotohanang sinasabi ko sa iyo, sa araw na ito, ikaw ay makakasama ko sa Paraiso.

Sinabi o hiniling ng tulisan kay Jesus na – alalahanin siya ni Jesus kapag “nasa paghahari na ni Jesus”. Ano ang napansin ninyo sa pananalitang iyon, diba panghinaharap, ibig sabihin alam ng tulisan na si Jesus ay babalik upang maghari ng isang libong taon, kasama ang mga hinirang ng Diyos. Alam din ng tulisan na hindi pa iyon ang paghahari ni Jesus.

Sa sunod na sitas ay sumagot si Jesus sa kaniya ang sabi “katutuhanang sinasabi ko sa iyo, sa araw na ito, ikaw ay makakasama ko sa Paraiso”. Tanong – may problema ba sa sagot ni Jesus? Kung babalangkasin natin ang pananalitang ito, may dalawang ibig sabihin – Una na sa oras, sa kalagayang yaon at sa panahong yun isasama ni Jesus ang tulisan sa paraiso. Ibig sabihin noon, yung tulisan ay pinatawad, nilinis, ginawang banal sa oras na yaon, sapagkat siya ay isasama ni Jesus sa pupuntahan Niya. Saan ba pupunta si Jesus pagkatapos noon, diba sabi sa kasulatan sa langit sa kanan ng Diyos Ama. Maliwanag na doon din ang punta ng tulisan, kasi isasama siya ni Jesus.

Ikalawang kahulugan nito ay ganito – katutuhanang sinasabi ko sa iyo, sa araw na ito, ikaw ay makakasama ko sa paraiso. Ano ang inyong napansin? Meron ba? Meron tingnan ninyo yung koma sa pagkakagamit nito – doon sa “sa araw na ito” ito’y pinaghihiwalay ng koma bakit upang bigyan ng kahulugan yung sinasabi ni Jesus sa tulisan. Ano yun? Ang ibig sabihin ni Jesus sa tulisan “sinasabi niya iyon ngayon o sa araw na yun” na makakasama ko sa paraiso. Ganito yun halimbawa – Pupunta ako sa Bayan bukas, gusto ko isama kita. Kaya ganito ko sasabihin sa iyo yun – Sinasabi ko ngayon ito, isasamakita bukas sa bayan. Ibig ipahiwatig ni Jesus na sinasabi niya iyon doon sa tulisan sa araw o sandaling iyon na makakasama siya ni Jesus sa paraiso, naroon yung kasiguraduhan pero sa darating na panahon.

Doon sa una nating kahulugan makikita natin na may kahirapang paniwalaan sapagkat alam natin na si Jesus ang unang bunga ng pagkabuhay na muli at wala pang sinuman ang sumunod sa Kanya hanggang hindi pa natutupad ang Kanyang ikalawang pagbabalik. Walang palakasan dito, kailangang matupad ang nasusulat sa kasulatan (Juan 14:1-3). Iyan ang unang salita ng Diyos na nilalabag kung ganon ang nangyari. Isa pa, kung ganon lang kadali ang sumama kay Jesus, sasabihin ng iba na magpapakasama na lang muna ako, bago na lang ako magsisisi kapag ako ay mamamatay na para deretso na ako sa langit. Kasi ganon yung ibig ninyo na mangyari doon sa tulisan, samantalang alam natin na napakalaki ng kasalanan niya, sa tao at sa Diyos. Oo maari siya’y humingi ng tawad, kumilala kay Jesus, pero nakasisiguro ako na siya’y wala pa sa langit sapagkat sabi sa kasulatan na “patay pa sila” at silay bubuhaying muli pagbabalik ni Jesus. At doon sangayon ako na “makakasama” na ni Jesus ang tulisang iyon ayon sa Kanyang pangako.

Doon sa ikawalang kahulugan, matatanong ninyo bakit ko naman naisip na ganon ang ibig ipakahulugan noon. Simple lang naman sapagkat yun ang naaayon sa sinasabi ng kasulatan o sa tingin ko walang sitas sa kasulatan ang nilalabag noon. Isa pa, may nabasa ako na isang kaalaman na patungkol sa sitwasyong iyon. Sa pananaliksik niya napag-alaman niya na ang orihinal na sulat nito sa Hebrew at Greek ay walang ginagamit na anumang “koma”, ito’y mababasa ng tuloy tuloy – sabi nga hindi raw uso noon ang mga koma, tuldok, pananong at iba pa. Ibig sabihin na sa mga nagsalin na lang ito nadagdagan, napalitan o nabago.

Pero kung ako ang tatanungin at bibigyan ng pagkakataon na baguhin ang sitas na yun dapat ay ganito ang kalabasan noon - Lucas 23:42-43 – Sinabi niya kay Jesus: Panginoon, alalahanin mo ako kapag ikaw ay nasa paghahari mo na. Sinabi ni Jesus sa kaniya: Katotohanang sinasabi ko sa iyo NGAYON, ikaw ay makakasama ko sa Paraiso.

Isaiah 45:7

Kung tatanungin ninyo, kung kalian ako naging “born again”? Hinding hindi ko ito makakalimutan sapagkat marami ang masasabi na nabago sa aking buhay, hindi naman sa isang kisap mata subalit sa pananatili ko sa Diyos ayon sa pamamahala sa akin ni Hesus sa loob ng 8 taong singkad, masasabi ko na hindi Niya ako binitiwan. Taong 1999 ng ipakilala sa akin ang tunay na daan patungo sa Diyos sa taong ding yun nagsimula akong makarinig, makabasa at mag-aral ng salita ng Diyos na deretsang hinango sa banal na kasulatan ang Bibliya. Ano ba ang kaugnayan nito sa bago nating kaisipan? Malaki rin naman sapagkat dito iikot ang ating paksa, kung ano ang talagang nilalaman ng talatang nasa itaas. Sapagkat marami ang sumasalungat sa katutuhanan ng sinabi ng sitas na ito at marami ang salungat ang mga paliwanag gayong napakalinaw naman ng nakasulat doon.

Una sa loob ng 8 taon ko sa pagdalo para makarinig ng salita ng Diyos, pag-aaral, pagbabasa ng ibat ibang aklat na kaugnay sa salita ng Diyos, mabibilang sa daliri ang nagbigay ng malinaw na kapaliwanagan sa talatang ito. Bakit ko nasabi sapagkat wala akong nabasa na ugma sa kung ano ang nakalagay sa talata, sinusubukan ng iba na bigyan ng kanilang pag-unawa subalit lalo lamang nalalayo sa ibig ipakahulugan ng talata.

Ikalawa, wala pa akong naririnig sa mga lingkod ng Diyos na ginamit ito upang mag pahayag ng salita ng Diyos sa gawain o pagtitipon na ito ang ginawang pagkukunan ng kapahayagan ng Diyos. Ang tanong – Bakit? Ano nga ba ang nilalaman ng talatang ito? At kung bakit walang maglakas ng loob na gamitin ang sitas na ito sa mensahe nila. Mahirap bang ipaliwanag ito? O may kinatatakutan silang maipahayag yung talagang tunay na kahulugan ng sitas na ito..

Bibigyan ko ng ilang mga salin ang talatang ating pinag-uusapan upang makita natin kung bakit nasabi natin ang mga pananalita sa itaas: Tandaan na ang pananalitang ito ay mismong galing sa bibig ng Diyos (Yahweh). Masasabi natin na ito ang pagiging Diyos ng Diyos (God’s sovereignty)

Dake’s Annotated Bible References:
Isaiah 45:7 - I form the light, and create darkness: I MAKE PEACE AND CREATE EVIL: I the Lord do all these things.

New International Version (Tagalog):
Isaias 45:7 – Ako ang lumikha ng dilim at liwanag, AKO ANG NAGPAPADALA NG KAGINHAWAHAN AT KAPAHAMAKAN. Akong si Yahweh ang gumagawa ng lahat ng ito.

Kung titingnan natin wala namang napakahirap ipaliwanag sa sitas na ito kung ibibigay lang natin ang pinaka payak na kahulugan nito. Tulad ng simula ng sitas “Ako ang lumikha ng dilim at liwanag” – malinaw bilang Siya ang manlilikha at nabanggit din ito sa aklat ng Genesis na ang Diyos si Yahweh ang lumikha ng liwanag at dilim at tinawag itong umaga at gabi. Pero pansinin ninyo sa wikang English “I form the light, and create darkeness” – pwede naman sabihin na lang na “I form the light and darkness”, pero ang tanong bakit kaya inilagay yung salaitang “create” doon sa darkness. Kasi kong bibigyan natin ng kahulugan may sitwasyon na tinatawag na yung darkness ay kasamaan ng tao o mga pangyayari sa tao, diba? Ano sa palagay ninyo? Kung doon natin i-uugnay malinaw na ang Diyos pa rin ang lumilikha ng kasamaan ng tao (walang papalag ha) paliwanag lang ito. Siempre kong kadiliman yung darkness yung light ay kaliwanagan, kabutihan. Naririnig nyo ba sa paligid nyo minsan ang ganito – “kampon ka ng kadiliman” kung narinig nyo yun – yun na yun..

Sa sunod na phrase ay “I make Peace and Create Evil” – wow, paano natin ito ipaliliwanag na ang dating ay hindi magiging masakit sa pandinig ng iba. Pero bakit natin gagawin yun samantalang yan yung nakalagay sa sitas na ito. Ang Diyos (Yahweh) ang nagpapadala ng kapayapaan, Amen ako dito walang pasubali dito kasi nakikita ito sa lahat ng naniniwala sa Kanya. Subalit ang sunod na salita “CREATE EVIL” – magagawa ba ng Diyos ito sa kanyang nilikha? Merong nagsasabi na ang Diyos ay “makatarungan”, totoo yun, ang Diyos ay “pag-big” siempre walang tanong doon. Pero yung sabihin na Siya yung “nagpapadala, gumagawa, nagbibigay” ng kapahamakan marami ang hindi ito matanggap at ang katuwiran ay ginagawa ito ng Diyos doon sa mga makasalanan lamang. Oo nga naman doon lamang sa mga gumagawa ng kasalanan – pero ang tanong - Lahat ba ay hindi nakagagawa ng kasalasan, lumalabag, at nakakasunod sa kalooban ng Diyos? Kung ang sagot ninyo ay meron – wala ng usapan pa – pero sabi sa 1 Juan 1:8 – kung sinasabi nating tayo’y walang kasalanan, dinadaya natin an gating sarili, at wala sa atin ang katutuhanan. At yung huling pananalita ng Diyos ay - I the Lord do all these things.

Hindi ko na bibigyan pa ng ibang kahulugan ito, ang punto ko lang dito ay ang Diyos ang Siyang may kontrol sa lahat ng bagay na Kaniyang nilikha, Siya ang Magpapalayok at tayo ang luad, maaari Niyang gawin ang lahat ng maibigan Niya sa atin at wala tayong karapatang magreklamo sa Kanya, sapagkat ang lahat ng Kanyang ginagawa sa atin ay para sa ating ikabubuti – anuman ang paraan ng Diyos kung paano makipag-ugnayan sa bawat sitwasyon ng Kanyang nilikha. Iisa lang ang sagot sa talatang ito – yun ay ang “LAYUNIN at KALOOBAN” ng Diyos sa atin.

Sa iba pang kapaliwanagan tungkol sa salita ng Diyos bumisita sa akin http://explanation-ko.blogspot.com