Ang Natatagong Lihim Sa Pangalan Ng Diyos: Part 1

Ano ang pangalan ng Diyos at ng Kanyang Anak?

Ano ba yan tanong o pagbibiro? Dapat pa bang tanungin yan samantalang kilala natin ang Diyos. Talaga kilala mo, kasi sasabihin mo mula pa ng pagkabata tayo kilala na natin ang Diyos. Hello ang ibig kong sabihin anong pangalan ng Diyos at ng Kanyang Anak. Halimbawa: yung kapitbahay mo na 4 ang anak na trisikel driver - ay kilala mo sa pangalan. Kasi nga kapitbahay mo sila apat o limang taon na, na ang pangalan noong lalaki ay Perfecto at si babae naman ay Perfecta. Yan ang ibig kung sabihin.. Seryuso na ako, dito sa sisimulan nating kaisipan pagkatapos ng ilang taon na rin di natin nadagdagan yung pitak natin sa blog na ito. Marami tayong tatalakaying hiwaga at mga bagay na masasabi natin na mahalaga bilang tagasunod ng Diyos.

Hiwaga ng mga hiwaga daw ang usaping ito kasi hanggang sa ngayon marami ang katanungang lahat ay mga haka-haka lamang ang sagot ng karamihan. Dito ipakikita natin kung ano ang maaari o posibilidad na katutuhanan sa kasulatan. Unang tanong ang pangalan ba ni Hesus na "Jesus" na ating Panginoon at tagapaglitas ay hindi huwad o peke lamang.

Sa mga taong lumipas sa mga nababasa at naririnig natin marami ang naglalabasan na ang pangalan ng Diyos Ama at Kanyang Anak ay hindi raw tama o pinalitan ng mga nagsalin ng Bagong Tipan. Ang pangalan daw na Jesus ay hango sa paganong pangalan na mula sa Greyego diyos na si Zeus-G-zeus. Wow... nabasa ba ninyo ito?

Patulan natin ang ilang alegasyon patungkol dito:

Jehovah Witness at iba pa ay nagsasabing ang Diyos Ama sa Bagong Tipan ay pinalitan ang pangalang "JEHOVAH" ng DIYOS o PANGINOON  na syang naka linlang daw ng karamihan sa tagasunod sa aspeto ng tamang pangalan ng Diyos Ama.. Nakakasunod ba kayo?

Balikan natin ang matandang panahon ng libo libong kopya ng ebanghelyo at sulat raw ng mga alagad ni Kristo ang ipadala sa buong Gitnang -Asia na hanggang sa ngayon tinatayang meron pang anim hanggang pitong libong kopya meron. At ito'y kinupya ng kinupya at pinadala matapos na ito'y isulat ng mga alagad. Ayon sa nabasa ko ito'y ipinamahage sa mga simabahan at kalipunan at mga pamilya. Pero walang nakababatid kung ilang kopya ang naipadala sa mga Ramano ng panahong yaon tanging Diyos lamang ang nakaka-alam. Yan ang kanilang aligasyon patungkol sa pagkakapalit ng pangalan ng Diyos.

Subalit sabi ng iba HINDI ito nangyari. Ang Banal na Spiritu ng Diyos raw ay hindi kinasihan ang lahat ng sumulat ng Bagong Tipan ng kanilang ginamit ang Hebrew name na "YHWH" na tinawag nilang (transliterated) sa "JEHOVAH" na makikita natin sa ibang kopya o salin ng kanilang ebanghelyo at mga sulat. Okay heto naman ang panangga ko kung si Jesus ay naparito upang itaas, igalang at itanyag ang pangalan ng Kayang Ama bakit hindi tayo nakakita kahit lang pahina o halibawa na si Jesus mismo ay gumamit ng pangalan ng Diyos Ama na JEHOVAH.

Sigurado ako na ang mga Jehovah Witness ay may kopya ng Greek na nakalagay doon ay ang pangalan na Jehovah sa boong Bagong Tipan. Pero wala silang ganong kasulatan kahit sa bago nilang New World Translation of the Holy Scriptures? Wala, kasi ang Greek word na "Lord" (Greek: kurios, hindi YHWH), na sabi pinalitan nila ng "Jehovah". At ang Greek sa "God" (Greek: theos, hindi YHWH) na kanilang pinalitan ng Jehovah. Sapagkat hindi iyon ang kahulugan noon kundi iyon ang kanilang pagkakahulugan doon. Tandaan natin sa: Pahayag 22:18-19 na hindi ipinagkaloob ng Diyos sa atin ang kapangyarihang palitan o dagdagan ang Kanyang Salita.

Ang pangalang "Jehovah" ay mula sa tinatawag na (tetragrammaton) kung saan hinango sa mga letrang YHWH. Mula sa mga letrang ito ay nahango sa English name na "JEHOVAH. Sa mga susunod na talakayan ipakikita ko sa inyo kung paano nangyari ang ganon.

Saan matatagpuan ang mga nawawalang kasulatan?

Ayon sa nabasa ko, ito'y patuloy pang pinag-uusapan ang patungkol sa orihinal na ebanghelyo na hindi raw nasulat sa salitang Greyego, kundi sa Hebreo kung saan ang pangalan ng Diyos Ama ay YHWH. Subalit meron namang nagsasabi na walang ebanghelyo na nasulat sa Hebreo ang mga alagad. Walang nakita kahit saan.

Tingnan natin ang ibang panig sa mismong anak ng Diyos na si Jesus, ano ba ang Kanyang ginawa patungkol sa pangalan ng Kanyang Ama na Jehovah? Sasabihin ko sa inyo mga kapatid kay Kristo at sa lahat makikita natin na naroon ang Diyos sa lahat ng dako pero hindi sa paraan kung ano ang ginawa ng mga naunang nag sulat nito patungkol sa pangalang YHWH / Jehovah.

Para mapaikli ang paglalahad sa mga taliwas heto ang tanong ko: Ano ang tamang pangalang itatawag ni Jesus sa Kanyang Ama? Sinasabi ko sa inyo kung ang ibinigay sa akin na pangalan ng Diyos Ama ay Jesus yun ang gagamitin ko sa pagtawag sa Kanya.

Other Blog: CLICK HERE

Is Tithes Applicable Today or Not?

Walang katapusang katanungan ng napakaraming naniniwala sa Diyos at sa ating Panginoong Hesus ang patungkol sa ating usapin ngayon. Hindi lamang katanungan, nagiging paksa pa rin ito ng mga usapan sa simbahan, kalye, skool, internet, chatting at email, walang pinipiling edad ang usaping ito hanggang naiintidihan ng sinuman ang pinag-uusapan. Saan ba ito nalagay sa banal na kasulan sa lumang tipan o bagong tipan? Marami ang nagsasabi pareho daw nabanggit ang pagbibigay ng ikapu sa luma at bagong tipan, kaya balido na kailangang magbigay nito ang isang nakakilala kay Kristo bilang pagsunod. Lahat naman sumasang-ayon na nakalagay nga ito sa kasulatan, na ibig sabihin ay kailangang sundin ninuman na sumusunod. Subalit ang tanong ng marami, tama bang magbigay ng ikapu ang lahat ng nanampalataya kay Jesus samantalang hindi ito itinuro Niya noong Siya’y narito pa sa lupa?

Tama ba ang aking narinig at nabasa na pati mga Katoliko ay magsisimula ng magbigay ng ikapu? Tingnan natin ang bahagi ng isang lathalain na patungkol dito:

TACLOBAN CITY , Philippines --Citing a decline in collections during masses, Catholic priests in Leyte have said they are considering tithing to shore up the local Church's finances.

This was revealed by a high-ranking priest of the Metropolitan Diocese of Palo, the biggest diocese in the Eastern Visayas . "But there is no [finality] on this yet. We are just exploring that possibility," Father Amadeo Alvero, social communications director of the diocese, said on Saturday. Alvero said the issue on tithing would be discussed by all the priests within the diocese at their meeting on June 9 to be held in Ormoc City .
Alvero added the priests would discuss how to carry out the tithing. The Metropolitan Diocese of Palo has under its jurisdiction more than 70 parishes in Leyte province and is under the stewardship of Archbishop Jose Palma. Alvero said the plan to tithe parishioners stemmed from the decline of their collections during masses experienced by many parishes of the diocese over the past few months.

The diocese has many projects and other financial obligations that needed to be to met, he added. Collections during mass remain one of the main sources of funds for the Catholic Church, according to Alvero. Tithing is strictly followed by other religious sects, but not the Catholic Church. A tithe is one-tenth of one's annual income, paid as a voluntary contribution or a tax or levy usually to support a religious organization.

Alvero said the financial difficulties facing the country resulted in the decline of the collections received by the church from parishioners every celebration of Mass. But while the Church understood the plight of their parishioners, parishes also needed to survive, he said. "The diocese is growing. We have so many expenses to meet and we cannot just spend freely. So we must have some sort of stable or ready source where we can get when the there is a need for it," Alvero said. So far, Alvero revealed, only a big parish like the Santo Niño Church is not feeling the financial pinch.

At mula rito marami ang naglabasang usapin patungkol dito, nariyan yung pagbibigay ng mga kuro kuro ng bawat isa. Meron naman todo ang kanilang depensa sa kanila daw pananampalataya. Meron ngang nagtanong sa isang “tither”. Diba ikaw ay nagbibigay ng ikapu buwan buwan? Sagot ng tither siempre kasi yan ang aking pananampalataya. Halimbawa: bago mo ibigay ang ikapu sa katapusan ng buwan nakatanggap ka ng pasabi, tawag, o text galing sa mga magulang mo, sinasabi na kailangan nila ang pera sa dahilang buhay at kamatayan ng isang kapatid sa pagamutan – ano ang iyong gagawin? Ibibigay mo ba ang pera mo sa tithes o idaragdag mo sa ipadadala para makatulong? Kayo po ang makasasagot niyan ang akin lang po ay ang mga maaaring mangyari sa isang mananampalataya.

Pasinin nga natin ang nilalaman ng balita sa itaas, kung ano ang dahilan ngayon kung bakit nila kailangang manghingi o ipatupad ang ikapu sa simbahan. Ilan sa mga sinasabi roon na kailangan matugunan ang pangangailangan ng simbahan, tumataas ang mga gastusin, may mga proyekto sila. Sa ganang akin kawawa naman yung ikapu kasi panakip butas lamang sa mga gastusin sa loob ng simbahan. Pero pwede naman yun kasi nga naman wala silang ibang pagkukunan. Eh yung sinasabi na marami silang proyekto tama pa ba yun sa layunin para sa ikapu? Sapagkat kung babalikan natin yung sinasabi sa kasulatan patungkol sa ikapu – ito ay para sa mga Levita na nangangasiwa sa bahay sambahan sapagkat wala silang ibang ikabubuhay. Tapos para sa ikalalaganap ng salita ng Diyos baka kasama doon sa proyekto yun. Pero heto ang tanong ko pa doon sa lathalain na yun, matuloy man o hindi, wala nabang nagpapabinyag, kumpil, kasal, namamatay doon sa lugar na yun o kinukulang pa rin ang kinikita doon.

Balikan natin yung ipinatutupad na ikapu sa mga iglesya ni Hesus. Saan ba napupunta ang mga ito? Ito ay ginagamit sa mga pangangailangan ng sambahan, saan sa sambahan bayad sa upa ng bahay, kuryente, tubig, pagkain, pambigay sa mother church kasi ginagamit ito para doon sa mga kapatid na humahayo sa bansang Pilipinas, kasi naka-tuon na ang kanilang lahat na oras sa paglilingkod sa Diyos (wala silang ibang trabaho) yan ang suma total noon, pantulong sa mga nangangailangan, nasabi bang lahat ang pinaggagamitan. Sa kasulatan meron bang nasabi si Hesus na magbigay kayo ng ikapu para sa mga ganitong bagay? Meron Siyang sinabi sa Mateo 23:23 subalit ito ay pagpapamukha sa mga Pariseyo sa kanilang mga likong gawa. Tandaan na ang mga ito ay naniniwala sa kautusan ng lumang tipan at kinakalaban ang lahat ng turo ni Hesus.

Paano nga naman matutugunan ang pangangailangan ng sambahan kung hindi ibibigay ang ikapu? Ikapu lang ba ang tanging paraan para matugunan ito o ginagamit lang itong sangkalan. Ang pagbibigay ba ng ikapu ay isang batas na dapat sundin sa bagong tipan kasi kailangan ito sa pangangailangan sa simbahan? Kung ganito ang layunin nito wala kayang nilalabag sa kasulatan ito? Hindi po ako laban sa pagbibigay ng ikapu, subalit gamitin itong sangkalan, o gawing batas sa bagong tipan yan po ang taliwas sa aking paniniwala at karapatan. Sapagkat kahit si Apostol Pablo ay hindi binigyan ng anumang bigat sa kanilang balikat ang bawat naniniwala sa ating Panginoong Diyos, bagkus ginawa niyang pagaanin kung paano makatulong sa kapwa, sa simbahan at yun ay sa pamamagitan ng pagkakaloob ng kusa loob at sa makakayanan.

Kung kinakailangan po ninyo ang karagdagang kaalaman patungkol sa salita ng Diyos makatutulong po ang aking blog na http://explanation-ko.blogspot.com para po sa pang araw-araw na kalakasan espiritwal…

God bless….

Speaking in Tongues

Tulad po ng nabanggit ko noong nakaraang kaisipan ang tungkol sa “slain in spirit”, doon naipangako ko na ang sunod na tatalakayin ay ang tungkol sa “speaking in tongues”. Ano nga pala ito sa wikang tagalong “pagsasalita ng ibang wika”? Tama ba yung aking pakakasalin? Naging palasak din ito sa karamihan sa mga iglesya ni Hesus. Mayroon tayong makikitang mga sitas nito sa kasulatan, subalit ang layunin natin dito ay ipahayag kung meron o wala bang nilalabag na sitas sa kasulatan ang mga gumagawa nito. Marami akong katanungan tungkol dito siguro hindi pa inaabot ng aking pananampalataya ito? Subalit sa mga nakikita ko sa paligid ko at napapanood sa mga TV marami pa rin akong katanungan na gusto kong ang kasulatan ang mismong sumagot hindi ang mga taong gumagawa nito. Unahin natin yung ilang mga sitas sa kasulan na patungkol dito sa aking inihahayag na kaisipan.

Gawa 2:4-8 – At silang lahat ay napuspos ng Santong Espiritu at nagsalita ng ibat-ibang wika, ayon sa ipinagkaloob sa kanila ng Espiritu. May mga Judiong buhat sa iba’t ibang bansa, ang mga taong palasamba sa Diyos. Nang marinig ang ugong na ito, nagdatingan ang maraming tao. Namangha sila sapagkat sinasalita ng mga alaagad ang mga wika nila. Sa kanilang pagtataka ay kanilang nasabi, “Hindi ba Galileo silang lahat? Bakit ang atin-ating katutubong wika ang naririnig natin sa kanila?

Ito ang unang makikita natin na nabanggit ang pagsasalita ng ibat-ibang wika, pero pansinin ninyo “sinasalita ng mga alagad ang mga wika nila”. Ibig sabihin na alam ba ng alagad na magsalita ng wika ng ibang bansa o bayan tulad ng Partia, Elam at iba pang lugar doon na iba ang wika kaysa sa mga alagad na Judio. HINDI, Wala silang alam sa anumang ibang wika maliban sa kanilang wika, subalit bakit ito nangyari – ng sumakanila ang Espiritu nakapagsalita sila ng iba’t ibang wika. Ano ang pagkakaiba nito sa kasalukuyang kaganapan sa mga iglesya ni Hesus, ganito bang iba’t ibang wika o naiiba sila, sapagkat kung susuriin mo iisang kataga, tunog, at di mawaring wika ang maririnig mo sa mga taong ito parang ganito (abra katabra, sakatum bra tat a a). Ito raw ang sinasabing napuspos sila ng Santong Espiritu. Isa pang mapapansin mo sa pagsasalita ng ibang wika noon na sinasalita ng mga alagad ang wika ng Diyos ayon sa Espiritu sa salitang Judio subalit dumarating sa mga pandinig ng mga tao ayon sa wika nila at ito ay nauunawaan kung kaya namangha ang mga naroroon. Subalit ngayon kapag narinig mo na may nagsalita nito hindi mo na mauunawaan, hindi pa maganda sa mga bagong makakarinig.

Pero bakit walang maglakas loob na kausapin, sansalain ang mga ganitong ginagawa kung sa tingin ng iba ay hindi na nagdudulot ng kaayusan sa iglesya. Ang maririnig nating mga sagot nila ay sapagkat nahihiya sila sa mga nagsasalita nila kasi lingkod ng Diyos yun at itinuturing na nakikipag-usap ito sa Diyos. Oo nga naman. Subalit tandaan natin na si Apostol Pablo ang nagpahayag na pakanasahin natin ay ang makapagpahayag ng salita ng Diyos. 1 Corinto 14:2- Ang nagsasalita sa ibang wika ay sa Diyos nakikipag-usap, hindi sa tao, sapagkat walang nakauunawa sa kanya; gayunman, nagsasalita siya ng mga hiwaga sa tulong ng Espiritu Santo. Yun pala naman ang pagsasalita sa ibang wika ay sa Diyos nakikipag-usap, pero ito ang tanong. Kung ganon bakit sa loob pa ng iglesya yun nangyari na makapagdudulot ng kaguluhan o pagtatanong sa nakararami na hindi naiitindihan ang tungkol doon. Kaya sabi naman ulit ni Apostol Pablo na kung magsasalita kayo ng iba’t ibang wika kailangan may magpaliwanag nito upang maintindihan ng mga makakarinig. Sabi niya sa talata 10- Maraming iba’t ibang wika sa daigdig, at bawat isa’y may kahulugan. Nakuha ninyo maraming wika sa daigdig at lahat ay may kahulugan pero sa ngayon wala nakababatid kung anong kahulugan ng nga salitang maririnig natin sa mga nag “speaking in tongues” sa ngayon. At ito pa, sabi ni Pablo kailangan may magpaliwanag o magsalin ng wikang yun. Sabi naman nila meron naman nagsasalin, sino, eh di yung nagsalita rin ng ibang wika. Pwede bay un at nabanggit ba na pwede yun? Tingnan nga natin sa talatang 13- Dahil dito kailangang ipanalangin ng nagsasalita sa ibang wika na bigyan din siya ng kaloob na makapagpaliwanag nito. Yun pwede naman pala na siya rin ang mag paliwanag ng mga sinabi niya upang maunawaan ng mga nakikinig kung ano ang sinalita niya.

Pero kung hindi siya tiyak na may magpapaliwanag ano ang dapat gawin ng nagsasalita nito. Sa talatang 28- Ngunit kung walang magpapaliwanag, manahimik na lamang ang bawat isa at makipag-usap nang sarilinan sa Diyos. Ganon pala naman kung walang magpapaliwanag, eh wag pilitin na ipaliwanag upang makita lamang na puspos kunwari sila ng Espiritu ng Diyos. Bakit nasabi ni Pablo ang ganon, sapagkat alam ni Pablo na ito ang makabubuti sa iglesya, at alam niya na ang Diyos ay diyos ng kaayusan hindi kaguluhan, kanatungan at pag-aalilangan.

Nabanggit natin na ang pagsasalita ng ibang wika ay sa Diyos nakikipag-usap, ibig sabihin na ito ay pansarili lamang, hindi makabubuti sa iba. Kung kaya nasabi ni Pablo na kung kapahayagan ng Diyos ang kanilang tinanggap dapat ang tumanggap ay tumayo at salitain ito sapagkat makabubuti ito sa iglesya. Marami ang nagsasabi na ang pagsasalita daw ng ibang wika ay nagaganap para hindi malaman o maunawaan ni Satanas kung ano ang sinasabi ng isang nagsasalita. Meron ba noon sa kasulatan o ito ay dahilan na lamang nila, sapagkat kung ikaw ay dinatnan ng Espiritu ng Diyos walang karapatan at kapangyarihan si Satanas sa iyo sapagkat makapangyarihan ang espiritu na nasa iyo. Ang nakakalungkot din ngayon ay waring lahat ng mga gumagawa nito ay lumalabag lahat sa kung anong nakasulat sa kasulatan. Dalangin ko na nawa mali ako kaysa sa aking nasabi o nakikita sa ngayon, sapagkat kung tama ako sa aking kaisipang ito marami sa ngayon ang nabubulagan sa mga pinaggagawa nila.

Bakit nangyayari ang mga ganitong kaganapan sa mga iglesya? Masasabi natin na ito’y nakikita, ginagaya sa mga lingkod ng Diyos sa ngayon. Sino ang ating dapat sisihin dito yung mga taong gumagawa o yung mga taong gumagaya at hindi nagsasaliksik kung ano talaga yung totoong sinasabi sa kasulatan. Hindi ko sinasabi na laban ako sa mga nagsasalita ng ibang wika, sapagkat ito ay makikita sa kasulatan at alam ko magaganap o nagaganap ito. Ang tahasang pinasusubalian ko lamang ay ang paggawa ng iba na taliwas sa kung ano ang nakasulat sa kasulatan.

Nais ko rin po na makapag-salita ng ibang wika sa totoong kapamaraanan na mauunawan ng mga makikinig tulad ng nangyari sa mga alagad sa panahon ng pentekostal. Sa mga karagdagang kaalaman, kapaliwanagan at tulong patungkol sa salita ng Diyos, subukan po ninyong bisitahin ang aking http://explanation-ko.blogspot.com o click nyo lang ang link na yan at dadalhin kayo sa sinasabi ko.


God bless you…..

Slain in Spirit!!

Sa makabagong mundo natin ngayon kung ano yung “in” sa anumang bagay yun ang sinusunod kahit na ng mga mananampalataya ni Hesus. Halimbawa ang “in” ngayon ay kulot ang buhok, kalbo, maikli, nakamaigsi ng damit tiyak sabi nga mabilis pa sa alas kwatro laganap at patok agad yun sa masa. Ano kayang kapangyarihan meron ang “uso” bakit napakadaling gawin ng marami? Pero kapag patungkol sa kasulatan o salita ng Diyos marami ang sumasalungat dito, marami ang mga palusot. Eh ano naman sa iyo yun, wala naman kaming ginagawang masama at walang nilalabag na alituntunin. Matagal kong ini-isip at tinatanong ang sarili ko, paano ko kaya sisimulan ang bagong kaisipang ito samantalang matagal na itong sinusunod, ginagawa, at naging panuntunan na ng nakaparaming iglesya ni Hesus. Sabi nga mahirap ng pabulaanan sapagkat napakaraming mong makakalaban. Halos lahat ng denominasyon ng Iglesya ni Hesus ay kasama ito sa kanilang mga aral. Pero tanungin mo naman sila kung ito ay makikita sa kasulatan, wala namang maipakita, meron man taliwas sa kanilang sinasabi, bagkus ang kanilang katwiran eh bakit si ganon sa TV, sa America at iba pang walang katapusang palusot.

Di ko pa naman masasabi na nabasa ko na ang buong kasulatan subalit wala akong nabasa o nabanggit man lang ang patungkol sa “slain in spirit”. Totoo ba ito o isa na namang gawa gawa o doktrina ng mga Iglesya. Kung babalangkasin natin ang salitang “slain” o sa wikang tagalog ito ata yung “patay” o pinatay, pinatumba, bumagsak ng wala sa sarili. Yung “spirit” alam na natin yan. Ayon sa aking Dakes Annotated Bible Concordance ang salitang “slain” ay makikita sa mga sitas na Genesis 4:8 and 23, Job 1:15-17, Proverbs 7:26, Luke 9:22 at Ephesians 2:16, etc… ibig sabihin marami pa. Sinubukan kong tingnan ang isa sa mga nasa itaas yung Ephesians 2:16 – and that he might reconcile both unto God in one body by the cross, having slain the enmity thereby. Wala hindi pwede itong i-ugnay sa ating pinag-uusapan kasi tungkol ito sa kamatayan ni Hesus ng tayo ay nakipag-isa sa Kanya. Ang ating pinag-uusapan ay yung nakikita natin na “natutumba o bumabagsak patalikod” kapag napatungan, hinipan, nadaan ng kamay ng mga nag-sasalita. Kung yung tungkol naman sa Genesis 4:8 sigurado ko hindi yun kasi tungkol yun sa pagkapatay ni Cain kay Abel. Kahit sa mga bible dictionary wala akong nabasa na kahulugan ng “slain in spirit”.

Tingnan natin sa kalakaran ng mundo ngayon, marami ang mananampalataya ni Hesus na taliwas ang kanilang paniniwala, kasi naman mas naniniwala sila sa kanilang nakikita, napapanood, naririnig sa radio, tv, internet at sa mga pagtitipon, ang katwiran nila mga lingkod ng Diyos yun. Lalo na yung mga tinatawag na sikat na lingkod ng Diyos. Maaari ba natin silang husgahan eh salita ng Diyos ang kanilang dala at nakikita ang kanilang mga bunga, anong bunga ang ibig nilang sabihin? – ang napakaraming taga-sunod, naniniwala. Pero heto ang tanong wala kaya silang nilalabag na sitas sa kasulatan o nagagawa nila yun dahil Hosea 4:6 – My people are destroyed for lack of knowledge: because thou hast rejected knowledge, I will also reject thee, that thou shall be no priest to me; seeing thou hast forgotten the law of thy God, I will also forget they children. Kung titingnan natin wala talagang sitas sa kasulatan na maaaring i-ugnay sa ating pinag-uusapan ang “slain in spirit”.

Meron isang tagpo sa kasulatan kay Apostol Pablo ng papunta siya sa Damasco para tuligsahin ang mga alagad ni Hesus. Sa daan nagpakita ang espiritu ni Hesus sa kanya at siya ay napasubasob. Pansinin ninyo na napasubasob hindi patihaya ang bagsak tulad ng makikita natin sa ngayon. Ito raw yung katunayan na puspos ng Banal na Espiritu ang isang nagpatung ng kamay. Pero meron din naman na nakakaranas na itinutulak ang ulo kaya bumabagsak, meron naman na nakikisama na lang kasi raw nakakahiya kung hindi siya babagsak. Napakarami sa ngayon na kung pagmamasdan natin ay kakatwa ang mga ginagawa at walang batayan o sitas na matatagpuan sa kasulatan. Subalit napakarami ng gumagawa. Alin ba ang ating susundin yung kung ano ang nakasulat o yung mga gawang aral lamang ng mga taong ina-angkin na siya ay puspos ng espiritu ng Diyos. Ako po’y hihingi ng paumanhin sa sinuman na makapagbibigay sa akin ng sitas sa kasulatan na nag-sasabi patungkol dito sa ating pinag-uusapan. Iniisip ko po ngayon na isa na naman itong doktrina ng tao hindi ng Diyos. Sapagkat kung sa Diyos ito makikita natin na nakasulat sa kasulatan. Ang nakakalungkot lang nga po yung nakasulat na ipinagagawa ng Diyos yun pa ang hindi natin magawa, at minsan kinakaligtaan pa.

Ako po ay tahasang sumasalungat sa ganitong aral na wala sa kasulatan. At heto pa, kapag nagbabagsakan na ang mga pinatungan, hinipan ng taga-pagsalita ang kasunod noon ay ang “speaking in tongues”. Kayo ano ang kaisipan ninyo sa mga ganitong aral totoo ba ito o gawa lang ng tao? Hayaan ninyo sa sunod na kaisipan tatalakayin ko naman ang nabanggit ko sa itaas na “speaking in tongues”. Ito ay binabanggit at mababasa natin sa kasulatan, pero ano ang sa tingin natin ay labag sa nasusulat. Tandaan natin idaragdag ng Diyos ang mga salot ng aklat na ito sa sinumang magdaragdag at magbabawas sa anumang nakasulat dito. At heto pa po, sabi sa kasulatan “huwag kayong susubra o lalabis sa anumang nakasulat sa aklat na ito.

Kung kailangan po ninyo ng karagdagang kapaliwanagan o naghahanap kayo ng salita ng Diyos na pwede ninyo gawing pagkain ng espiritu sa araw-araw, bukas po ang aking http://explanation-ko.blogspot.com . Ito po ay mga kapaliwanagan ng tao na naka-ugnay sa salita ng Diyos na angkop sa ating mga buhay.

God bless you…. Abangannnnnnn.

Women Role in the Church!!!

1 Corinthians 11:3 – Now I want you to be aware that the HEAD of every man is Christ, yet the HEAD of the woman is the man, yet the HEAD of Christ is GOD.

Meron bang kaugnayan ang sitas sa itaas sa ating kaisipan ngayon? Sa tingin ko malaki ang kaugnayan nito sa ating tatalakayin, sapagkat may kontrobersyal ang mga babae sa loob ng sambahan o kongregasyon, iglesia. Ano nga ba ang maaring katatayuan ng mga babae sa loob ng iglesia? Bakit may mga sitas sa kasulatan na nagsasabi na manahimik ang mga babae sa loob? Kaisipan lang ba yun ni Apostol Pablo o maybatayan siya kung bakit ito ipinagbawal na magsalita o mamahala sa mga lalaki at sa kongregasyon. Sinasabi sa itaas na sitas ang namumuno sa mga lalaki ay si Kristo, sa mga babae naman ang dapat mamuno ay mga lalaki. Bakit kaya? Ayaw ba ni Kristo sa mga babae, kaya Niya nasabi yun o may kinalaman ang kaugalian, katayuan at kakayan ng mga babae. Ano ang ibig iparating sa ating ng bagay na ito?

1 Corinto 14:33-35 – Gaya ng dapat mangyari sa lahat ng iglesya ng Diyos. Ang mga babae’y kailangang tumahimik sa mga pagtitipon sa iglesya. Sapagkat hindi ipinahihintulot sa kanila ang magsalita sa gayong pagkakatipon; kailangang sila’y pasakop gaya ng sinabi ng Kasulatan. Kung mayroon silang nais malaman, magtanong sila sa kanilang asawa pagdating sa bahay; sapagkat kahiya-hiyang magsalita ang isang babae sa loob ng iglesya.

Alam ko na marami ang sumasalungat sa mga pahayag na yun ni Apostol Pablo, lalo na sa ngayon na marami na ang mga babae na ginagamit sa mga malalaking kongregasyon. Kung pagtutuunan natin ng pansin ang mga nakasulat sa kasulatan kahit pa noong Lumang Tipan pa ang mga babae ay hindi tahasang nabibilang sa anumang kapulungan o anumang samahang pang-simbahan. Ang kaugaliang yaon nadala hanggang sa panahon ng ating Panginoong Hesus. Hindi naman masasabi na walang silbi ang mga babae subalit kung sa biglang pag-aakala ay ganon ang maiisip. Tulad na lang ng si Hesus ay magpakain ng 5000, bakit kaya hindi isinama sa bilang ang mga babae? O ito ay nangyari lang kasi hindi na isinama ng sumulat ng pangyayaring yaon, o kaugnay pa rin ito sa kaugalian. Ano ba ang pinanghahawakan ng mga sumasalungat sa ganitong kapahayagan na ang mga babae ay dapat manahimik na lamang sa loob ng kongregasyon. O talaga namang dapat na manahimik na lang ang mga babae. Kahit ngayong makabagong panahon na, ang tanong ay bakit? Sino ang tama?

Pero sabi nila maraming lingkod ng Panginoon na ginagamit, nagpapagamit at meron pa ngang mas marami at malaki ang korgregasyon kaysa sa mga lalaki. Meron akong narinig sa isang seminar na hindi daw dapat pagbawalan ang mga babae na makapagsalita, mamuno, manguna sa mga lalaki sa kongregasyon sapagkat pantay pantay lamang ang lalake at babae sa harap ng Diyos. At kung ano ang nagagawa ng lalake ay magagawa na rin ng mga babae, naroon na ako kaya lang baka meron lang nilalabag na sitas sa kasulatan ang ideyang yun. Kayo, sumasang-ayon ba kayo na manahimik na lang ang mga babae sa loob ng iglesya o hayaan na lang na magkaroon ng paligsahan ang dalawa kasarian, baka kung sagayon mas marami pang marahuyo na manumbalik sa Diyos. Ano sa palagay nyo?

Siguro sa pananaw ni Apostol Pablo ang mga babae ay di dapat makihalo sa pag-uusap ng mga lalake sa iglesya upang hindi maging pangit tingnan na parang walang kabuluhan ang mga lalaki, tulad ng ating unang sitas na dapat magpasakop ang mga babae sa mga lalaki. Subalit tayo ay binigyan ng kaalamang magpasya ng mabuti at masama – kung sa paglilingkod sa Diyos mas magandang tingnan na ang mga babae ay mamuno na lang sa mga kapwa babae upang maiwasan ang pag labag sa kasulatan. Ito man ay kaugalian ng mga tao noong panahong yaon, subalit nasulat at ipina-aalam sa atin ito. Ayaw ko nang sabihin na ang mga babae noon ay mga masisitsit ayon sa kasulatan, pero ang tanong ko naman nagbago naba ito sa ngayon o katulad pa rin ng dati o mas malubha ngayon. Minsan nga nagiging metsa pa ito ng pag-aaway ng mga lalaki sa mga samahan diba.

Paanyaya:
Ang may nais na makabasa ng ibat-ibang sitas ng kasulatan ayon sa mga kaganapan sa buhay maaaring bumisita http://expalanation-ko.blogspot.com o click mo lang ang link na ito at dadalhin ka sa sinasabi ko….

God bless you…

The Church..

May mga bagay o salita na kung susuriin ay napakaraming kahulugan, maraming ipinahihiwatig, inilalarawan. Tulad ng salitang “church” ito’y naging palasak at karaniwang nakikita sa bibliya. Dito’y ipinakikita ang ibat-ibang katawagan patungkol sa salitang “church” o sa wikang tagalog ay simbahan o kalipunan ng mananampalataya. Subalit tingnan natin ang ibat-ibang katawagan nito ayon sa ibat-ibang paniniwala, kalalagayan at iba pa. Ibang mga katawagan pero may pagkakapareho sa ibang anyo:

1. Templo – Temple
2. Synaguoge o Sinagoga
3. Mosque
4. Simbahan o Sambahan o Iglesia
5. Kapilya o Tuklong
6. Mananampalataya
7. Dambana o Altar
8. Iglesia ni Cristo
9. Church of Satan

Ilan lang sa itaas ang mga bagay na kumakatawan sa salitang “church” subalit nagkaka-iba sa katawagan, ibig ipakahulugan at kalalagayan. Sa Lumang Tipan ng Bibliya karaniwang tawag sa church ay “templo” (temple) kung saan ang mga Israelita ay sumasamba at ito rin ang isa sa mga ini-utos ni Yahweh na gawin ng ilang mga piniling Hari ng Israel. Sa panahon ng ating Panginoong Hesus ito’y naging bahagi rin ng kaniyang ministeryo. Subalit sa aklat ng mga Gawa dito nagsimula ang church hanggang sa mga sulat, at turo ni Pablo at ng mga lingkod ni Hesus. Dito ang salitang church ay binigyan na ng kahulugan na “kalipunan ng mananampalataya” ayon sa 1 Corinto 3:16. Subalit sa mga Romano Katoliko ang salitang church ay tinatawag na “simbahan” ang lugar na kanilang pinupuntahan upang sumamba, ibig sabihin isang estraktura, sa mga mananampalataya ni Hesus ito ay tinatawa na "panambahan". Meron bang pagkakaiba?

Alam natin na ang tinatawag na “mosque” ay lugar na pinagtitipunan ng mga muslim upang sumamba sila, kaya matatawag rin natin itong church. Ang “kapilya” ay karaniwang naririnig at makikita sa mga nayon, at lalawigan, maliliit itong estraktura para sa maliit na kalipunan ng mga sumasamba. Ang “dambana o altar” ay nabasa at nakita natin sa bibliya sa lumang tipan, lugar ito upang idaos ang pagsamba sa Diyos o mga diyos-diyosan. Sa Greek ang salitang “church” means EKKLESIA – meaning assembly of man or gathering of man (Acts 19:32, 39, 41). Ang salitang “church” ay nabanggit 115 times sa bibliya. Sa Bagong Tipan may nabanggit din na “synaguoge” ay isang lugar ng dalanginan, sambahan.

Hebreo 10:25 - Huwag nating pabayaan ang ating pagtitipun-tipon katulad ng iba na may ganyang kaugalian. Sa halip, palakasin natin ang loob ng isa't isa, lalo na, na inyong nakikita na nalalapit na ang araw. Ano mo ba ang talagang ibig ipakahulugan ng talatang ito? Ito ba ay may kaugnayan sa ating kaisipan ngayon na “sambahan” o “kalipunan ng mananampalataya” Tulad ng ating kahulugan na ang “iglesia” ay ang mga kalipunan ng mga mananampalataya ni Hesus o lahat ng uri ng mananampalataya na nagkakatipon ayon sa kanilang paniniwala. Subalit mariin na sinabi ng bibliya na “tayo” ang templo ng banal na espiritu (1 Corinto 3:16 - Hindi ba ninyo alam na kayo ang banal na dako ng Diyos at ang Espiritu ng Diyos ay nananahan sa inyo?) Ibig sabihin ng nauna nating talata na kailangan sa isang tagasunod ni Hesus ang isang lugar upang magsama-sama, magpalakasan, magtulungan ang bawat isa.

Narito ang ibat-ibang pakahulugan ng salitang “church” sa bibliya na binigyan ko ng mga pagkukunan na mga talata:

1. An assembly of citizens summoned by a crier to a place of council to transact business. (Act 19:32)
2. Any gathering of men assembled by chance or tumultuously (Acts 19:32, 41)
3. Any assembly of Israelites gathered together for business (Judges 21:8) or for sacred purposes (Joshua 8:35)
4. The whole congregation of “called out” ones; god’s elect of the OT period (Acts 7:38)
5. An assembly of Christians gathered to worship (1 Cor 11:18, 14:4-5)
6. The NT church of “called out” ones from both Jews and Gentiles (1 Cor 12:13)
7. A general assembly of representative believers from many local churches to transact business (Acts 15:22)
8. A local company of Christians who meet regularly (Matthew 18:17)
9. The general assembly of Christians in heaven (Hebrews 12:23)
10. Many local congregation of Christians (Acts 9:31)

Ngayon nakita natin ang ibat-ibang pakahulugan nito na nakaugnay lahat sa salitang “church”. Bilang isang mananampalataya ni Hesus, nakikita ba sa bawat isa ang hinihinging kahulugan ng pagiging “church” ?

666... Ano ito?

Sa mga salita ng Diyos na nakapaloob sa 66 hati na aklat ng Bibliya, ibat-ibang lingkod ng Diyos ang naatasang sumulat nito sa ibat-ibang panahon, lugar, kalalagayan at pagpapahayag ayon sa itinakda ng Diyos sa pamamagitan ng Kanya Banal na Espiritu. Ito ay binubuo ng 39 na aklat na matatagpuan sa Lumang Tipan, at ang 27 na aklat naman sa Bagong Tipan. Ang Lumang Tipan ay ang mga Genesis, Exodo, Levitico, Mga Bilang, Deuteronomio, Josue, Mga Hukom, Ruth, 1 Samuel, 2 Samuel, 1 Mga Hari, 2 Mga Hari, 1 Mga Cronica, 2 Mga Cronica, Esdras, Nehemias, Ester, Job, Mga Awit, Mga Kawikaan, Ang Mangangaral, Ang Awit ni Solomon, Isaias, Jeremias, Mga Panaghoy, Ezekiel, Daniel, Oseas, Joel, Amos, Obadias, Jonas, Mikas, Nahum, Habacuc, Sofanias, Ageo, Zacarias, Malakias.

Sa Bagong Tipan naman ay 27 ang mga sumusunod Mateo, Marcos, Lucas, Juan, Mga Gawa, Mga Taga Roma, 1 Mga Taga-Corinto, 2 Mga Taga-Corinto, Mga Taga-Galacia, Mga Taga-Efeso, Mga Taga-Filipos, Mga Taga-Colosas, 1 Mga Taga-Tesalonica, 2 Mga Taga-Tesalonica, 1 Timoteo, 2 Timoteo, Tito, Filemon, Mga Hebreo, Santiago, 1 Pedro, 2 Pedro, 1 Juan, 2 Juan, 3 Juan, Judas at ang Pahayag.

Sa mga nabanggit natin sa itaas mula sa Genesis hanggang kay Malakias mababasa, makikita natin na ang Diyos ay nagpahayag sa kanyang bayan sa pamamagitan ng mga lingkod ng Diyos ayon sa kani-kanilang pagkatawag. Ipinakita rin dito ang ibat-ibang kasaysayan ng mga hari, tao, lingkod, mga batas, kautusan, mga hula, kababalaghan at hiwaga ng Diyos. Sa Bagong Tipan naman ay makikita natin kung paano ipinanganak, nag-turo, nagpakita ng kababalaghan, pagpapagaling, mga-sulat, mga babala, talinghaga, mga patotoo at mga hula. Ito ay nakapaloob sa aklat ng Pahayag na ating pag-uusapan ngayon. Sa Pahayag 13:17-18 sinasabi ay ito - Ang may tatak lamang ng mabangis na hayop ang makakabili o ang makakapagbili. Dapat ay taglay nila ang tatak o ang pangalan o ang bilang ng pangalawang mabangis na hayop. Ito ang kaalaman: Ang may pang-unawa ay dapat bilangin ang bilang ng mabangis na hayop. Ang dahilan, ito ang bilang ng isang tao. Ang bilang ay anim na raan at animnapu't anim (666).

Ano nga ba ang kahulugan nito? Ang aklat ng Pahayag ay binubuo ng mga kapahayagang tinanggap ni Juan mula sa ating Panginoong Hesus. Ito’y mga pangyayaring magaganap sa hinaharap, ito’y binubuo ng ibat ibang pagsasalarawan o simbolo. Nagbigay ng babala si Juan dito nagsasabi sa Pahayag 22:18-19 ang ganito - Ang dahilan nito ay nagpapatotoo rin ako sa lahat ng nakakarinig ng mga pahayag ng Diyos sa aklat na ito. Sinabi ko: Kapag dinagdagan ng sinuman ang mga bagay na ito, idadagdag ng Diyos sa kaniya ang mga salot na aking isinulat sa aklat na ito. Kung binawasan ng sinuman ang mga salita sa aklat ng pahayag na ito, aalisin ng Diyos ang kaniyang bahagi sa aklat ng buhay. Aalisin din ang kaniyang bahagi sa banal na lungsod at mula sa mga bagay na isinulat sa aklat na ito. Ito ang huling aklat sa bibliya.

Marami ang nagsasabi at naniniwala na ang nasabing bilang ay bilang ng "anti-Christ", ito raw ang tatak ng demonyo, satanas at iba pang laganap sa lahat ng dako. Subalit nananatili ang tanong "Totoo ba ito?" Ito ba yung ibig ipakahulugan sa ipinahayag ni Juan san kanyang aklat ng Pahayag? Marami ang naglalabasan na ibat-ibang pakahulugan nito sa ngayon, tulad ng lang ng makikita ninyo sa itaas na larawan at mga haka-haka patungkol dito.

Tulad ng sinasabi na ang Roman number nila ay nag-sasaad at kahulugan ng numerong 666, siguro sa dahilang sila ang nakasakop noon sa Israel sa panahon ng ating Panginoong Hesus. Meron ding nagsasabi at makikita rin sa internet na ang makabagong teknolohiya tulad ng "computer" at "calculation" ay may kahulugang 666 kung ibabase sa mga letrang binigyan din ng kahulugang numero. Ilan lang yan sa mga kahulugan dawng numerong 666 sa aklat ni Juan na Pahayag. Sino nga ba ang nagsasabi ng tama? Ngunit tingnan natin sa ibang kapahayagan. Merong nagsasabi na sa Greyegong salin ng Pahayag 13:18 ay hindi patungkol sa isang tao lamang. Sa Greek word translated "man" in Revelation 13:18 is not "aner" kundi ito'y "anthropos" which means "a human being", male or femal" (reference Strong's Concordant).

Natiro ang ilang pahayag mula sa kanila. "Furthermore, it not the number of "a" anything. It is just the number of human or of mankind! Even the Revised Standard Version translators saw this and therefore, state, "it's number is six hundred sixty-six". The number of the wild best is not the number of "a" man, but rather the number o "man" or "mankind".

Bible, Doktrina ka ba?

Kayo, ikaw, tayong lahat anong katuruan ang tinanggap mo mula ng magka-isip ka at mapagtanto ang isang bagay na sa tingin mo ay may magandang kahihinatnan sa buhay mo? Natala sa lahat ng mga talaan sa kasaysayan ng buong mundo na ang bibliya ang pinaka-malaki, marami, sikat na limbag sa lahat ng nai-limbag na aklat. Payag ba kayo roon? Sapagkat lahat na halos ng salita sa buong mundo ay meron itong salin, bersyon, o akda. Sinasabi na ang bibliya ay salita ng Diyos para sa mga tao na nilikha Niya, ito ay Kanyang kinasihan para magamit sa pagtuturo, pagtutuwid, paggabay, pagpapabulaan ng maling aral (2 Temoteo 3:16). Ito ang nilalaman ng mga salita ng Diyos noong nakaraan, sa kasalukuyan at panghinaharap. Totoong maraming hiwaga ang nakapaloob sa salita ng Diyos, subalit ito ay unti unting ipinababatid sa mga taong may pagpupursige na tuklasin ito ayon sa gabay ng Kanyang Banal na Espiritu. Subalit lahat ba ay nakasumpong nito, sinasabi sa (Hosea 4:6) na napapahamak ang aking bayan dahil sa kamang-mangan. Ito ay punong puno ng mga pangako, batas, kasaysayan, hula, awit, kasabihan at mga utos ng Diyos.

Batid natin na ang bibliya ang salita ng Diyos, nakakabasa na tayo nito, may laya tayong pag-aralan ito, may laya taong mag-salin nito ayon sa ating pagka-unawa, at iba pa. Hindi agad ito naging bahagi ng ating buhay mula noong tayo ay musmos pa, kundi unti unti tayong namulat ayon sa ini-aaral sa atin ng ating mga magulang, gayon din naman sila, ibig sabihin nagpasalin-salin ito mula sa mga ninuno natin. Posible kaya na nagkaroon na ng pagkakamali sa bibliya, sapagkat ito'y nagpasalin-salin na lamang, na ang orihinal na kopya nito ay mahirap nang matagpuan? Subalit hindi yan ang ating pinag-uusapan dito, kundi ang bibliya ba ay puno ng doktrina mula sa Diyos? Marami ng panahon ang lumipas o nagdaan, marami na ring ibat-ibang pananampalataya, pagkilala, pagka-unawa tungkol sa bibliya o salita ng Diyos. Subalit nananatili pa rin ang katanungan sa isip ng isang nilikha ng Diyos ito yung tungkol sa doktrina na natutunan, nalaman, nakikita natin sa ibat-ibang samahang pang-simbahan.

Doktrina, ano ba ang kahulugan nito? Doctrina ay isang salaitang Latin na ang ibig sabihin ay isang pagkakakilanlan ng isang pananampalataya o kumakatawan sa pangkalahatang katuruan o kautusan, paninindigan, kalalagayan ayon sa kanilang pinaniniwalaan. Karaniwang nagsasaad ito ng mga "religious dogma" na ipinatutupad sa mga samahan o simbahan. Ito ay ginagamit din bilang kaugnay sa mga paninindigan sa batas, karaniwang kaugalian batas, at ibat-ibang paninidigan ayon sa kanilang paniniwala. Ang "doktrina" -tinatawag na dogma, ay paniniwalaang wasto ang katuruang tinanggap, lalong lalo na ang mga nagsalita ay galing sa mga namamahala sa mga samahan o simbahan. Ito rin ay tinatawag na "katuruan". Subalit ang katanungan ay ganito - Ang Salita ba ng Diyos ay binubuo ng mga doktrina o dogma?

Sa isang payak na kaisipan tulad ko noong una, sa totoo lang noong nakarinig ako ng salita ng Diyos, sinsabi sa Juan 3:16 - gayun na lamang ang pag-ibig ng Diyos sa sanlibutan kaya ibinigay o sinugo Niya ang Kanyang bugtong na anak upang ang sinumang sumampalataya sa Kanya ay di mapahamak kundi magkaroon ng buhay na walang hanggan. Kung titingnan mo ang talatang ito ay iisa lang ang hinihiling ng Diyos sa ating nilikha niya ang "sumampalataya" sa Kanyang Anak (Hesus), bakit? upang tayo ay maligtas at magakaroon ng buhay na walang hanggan na kasama Niya. Napaka-payak nito, subalit ewan ko kung bakit sa ngayon napakarami ng mga dogma, doktrina, katuruan na itinuturo ng ibat-ibang samahan, pananampalataya at simbahan. Ito kaya ay tahasang nakatala sa bibliya o ito ay kanila lamang nilikha upang maging kakaiba ang kanilang samahan. Meron naman na pinipilit nilang hanapan ng kaugnayan sa bibliya upang maging angkop sa kanila katuruan.

Napakaraming mga sitas sa bibliya ang nagsasabi tungkol sa pag-sunod, babala, pag-ibig ng Diyos, hiwaga ng Diyos, hula, biyaya ng Diyos - subalit ang lahat ng ito ay hindi ko masasabing isang dogma, doktrina sapagkat kung pinanampalatayanan mo ang iisang Diyos sa Kanyang salita, bibigyan ka ng kapaliwanagan, pananampalaya na hindi na kailangan ang anumang doktrina na ginawa ng tao. Kung masasabi nating ang salita ng Diyos ay isang doktrina o dogma ayon sa sinasabi ng Banal na Espiritu, ito ay makabubuti sa atin. Subalit kung ang isang doktrina o dogma ay hindi makikita, mababasa, itinuturo sa bibliya ito ay doktrina mula sa tao na tahasang masasabi ko na hindi makakabuti at makakapag-ligtas sa tao. Ang doktrina o dogma o katuruan ba ay nakakapagligatas sa tao? HINDI. Bakit? Sapagkat ang makakapaglitas sa tao ay ang kanyang pananampalataya kay Hesus na sinugo ng Diyos. Ano lang ang hinihingi - manampalataya at ang pag-sunod hindi ang anumang doktrina na mula sa anumang samahan...